| e-texts navigator |
| Wylie |
334a1 མི་དེ་དག་ཚེའི་དུས་བྱེད་པའི་ཚེ་ན། བྱང་ཆུབ་སེམས་དཔའ་བྱམས་པས་མི་ཆེན་པོའི་མཚན་སྨིན་མཚམས་ཀྱི་མཛོད་སྤུ་ནས་འོད་དང་། ལྷའི་བུ་ཐམས་ཅད་ཀྱིས
334a2 མནྡ་ར་བའི་ཆར་ཕབ་ནས་མི་དེ་དག་བསུས་ནས་སྐད་ཅིག་ཡུད་ཙམ་གྱིས་ལྷའི་གནས་སུ་སྐྱེས་ནས། འཕགས་པ་བྱམས་པའི་ཞལ་མཐོང་ནས། གདོང་དང་སྤྱི་བོས་ཕྱག་འཚལ་ནས
334a3 དེ་མ་ཐག་ཏུ་ཆོས་ཐོས་པ་དང་། བླ་ན་མེད་པའི་བྱང་ཆུབ་ཀྱི་ལམ་ཐོབ་པ་དང་། ཕྱིར་མི་ལྡོག་པའི་འཁོར་ལོ་དང་། མ་འོངས་པའི་དུས་ཀྱི་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད
334a4 ཀྱི་དེ་བཞིན་གཤེགས་པ་མཐོང་བར་འགྱུར་རོ། ། ཨུ་པ་ལི་ཁྱོད་རྩེ་གཅིག་ཏུ་ཉོན་ལ་ཡིད་ལ་གྱིས་ཤིག། བྱང་ཆུབ་སེམས་དཔའ་བྱམས་པ་ཞེས་བྱ་བ་མ་འོངས་པའི་སེམས་ཅན་ཐམས
334a5 ཅད་སྐྱབས་སུ་འགྲོ་བ་ན། གང་ལ་ལ་ཞིག་སྐྱབས་སུ་འགྲོ་བའི་མི་དེ་དག་ནི་བླ་ན་མེད་པའི་ལམ་དང་། ཕྱིར་མི་ལྡོག་པའི་འཁོར་ལོ་ཐོབ་ནས། བྱང་ཆུབ་སེམས་དཔའ་བྱམས་པ་དེ
334a6 བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པར་སངས་རྒྱས་པའི་དུས་ཀྱི་ཚེ། མི་དེ་དག་དེ་བཞིན་གཤེགས་པའི་འོད་ཟེར་མཐོང་ནས་ལུང་བསྟན་པ་ཐོབ་པར་འགྱུར་རོ།།
334a7 ཨུ་པ་ལི་དེ་བཞིན་གཤེགས་པ་མྱ་ངན་ལས་འདས་པའི་འོག་ཏུ་འཁོར་བཞི་པོ་དང་། ལྷ་དང་། ཀླུ་དང་། གནོད་སྦྱིན་ལ་སོགས་པ་གང་ལ་ལ་ཞིག་དགའ་ལྡན་གྱི་གནས་སུ་སྐྱེས་པའི
iiif viewer powered by OpenSeadragon
