| e-texts navigator |
| Wylie |
333b1 པའི་འོག་ཏུ། དགེ་སློང་དང་། དགེ་སློང་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ལ
333b2 སོགས་པ་འཁོར་ཐམས་ཅད་ལས་གང་ལ་ལ་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པའི་མཚན་ཐོས་ནས། དགའ་བ་དང་གུས་པས་ཕྱག་འཚལ་བའི་མི་དེ་དག་ཚེའི་དུས་བྱས་ནས།།
333b3 སེསོགོལ་གཏོགས་པ་ཙམ་དུ་གོང་མ་ཇི་ལྟ་བཞིན་དུ་བྱམས་པའི་མཚན་ཐོས་པས་ཚེའི་དུས་བྱས་པའི་འོག་ཏུ་མུན་པའི་ཁམས་སུ་མི་ལྟུང་། མཐའ་འཁོབ་ཀྱི་ཡུལ་དང་། ལོག་པར་ལྟ་བ་དང
333b4 མི་དགེ་བ་ཐམས་ཅད་སྤྱོད་པར་མི་སྐྱེ། སྐྱེ་བ་ཐམས་ཅད་དུ་དྲང་པོར་ལྟ་བ་དང་། འཁོར་ཕུན་སུམ་ཚོགས་པ་དང་། དཀོན་མཆོག་གསུམ་ལ་མི་སྨོད་པར་སྐྱེའི། ཨུ་པ་ལི་རིགས་ཀྱི་བུ་དང
333b5 རིགས་ཀྱི་བུ་མོ་གང་ལ་ལ་ཞིག་སྡོམ་པ་བཤིག་པ་དང་། སྡིག་པ་མི་དགེ་བའི་ལས་བྱས་པས་བྱང་ཆུབ་སེམས་དཔའ་ཐུགས་རྗེ་ཆེན་པོའི་མཚན་ཐོས་ནས། མཚན་ནས་བརྗོད་ཅིང་ཡན་ལག
333b6 ལྔ་གཏུགས་ཏེ་སེམས་རྩེ་གཅིག་ཏུ་བཤགས་ན། སྡིག་པ་ཐམས་ཅད་མྱུར་དུ་བྱང་ནས། མ་འོངས་པའི་དུས་ཀྱི་སེམས་ཅན་ཐམས་ཅད་བྱང་ཆུབ་སེམས་དཔའ་ཐུགས་རྗེ་ཆེན་པོའི་མཚན
333b7 བརྗོད་པ་དང་། སྐུ་གཟུགས་བྲིས་ནས། སྤོས་དང་། མེ་ཏོག་དང་། གོས་དང་། གདུགས་དང་། རྒྱལ་མཚན་དང་། བ་དན་དང་། ཕྱག་འཚལ་ཞིང་ཡིད་ལ་ཟློས་ན།།
iiif viewer powered by OpenSeadragon
