| e-texts navigator |
| Wylie |
330b1 དཔག་ཏུ་མེད་པར་སྤྲུལ་ནས་ནམ་མཁའ་ལ་ཀུན་ཏུ་འཕྱང་བ། མ་བརྡུངས་པར་སྒྲ་སྙན་པ་དཔག་ཏུ་མེད་པ་རབ་ཏུ་བྱུང་བ། སེམས་ཅན་གྱི་ཡིད་རྟོག་པ། རྒྱལ་པོ་གཉིས་པ་མེ་ཏོག
330b2 ཐོབ་པ་ཞེས་བྱ་བ་ལུས་ལ་མེ་ཏོག་སྣ་ཚོགས་ཀྱི་ཆར་འབེབས་པ། ཕོ་བྲང་ཐམས་ཅད་ཁྱབ་པར་མེ་ཏོག་གི་གདུགས་སྦྲུལ། གདུགས་རེ་རེའང་བརྒྱ་ཕྲག་སྟོང་གི་རྒྱལ་མཚན་དང་འཕན
330b3 གྱིས་ལམ་དྲངས་པ། རྒྱལ་པོ་གསུམ་པ་ནི་སྤོས་ཀྱི་དབྱངས་ཞེས་བྱ་བ་ལུས་ཀྱི་བ་སྤུའི་ཁུང་བུའི་ནང་ནས་ངོ་མཚར་ཆེ་བའི་རྒྱ་མཚོའི་འགྲམ་གྱི་ཙན་དན་གྱི་སྤོས་ཀྱི་ཆར་འབེབས་པ།
330b4 སྤོས་དེ་དག་སྤྲིན་བཞིན་དུ་ཆགས་པ། ཁ་དོག་བརྒྱ་ཕྲག་གིས་ཕོ་བྲང་ལན་བདུན་དུ་བསྐོར། རྒྱལ་པོ་ཆེན་པོ་བཞི་པ་དགའ་བ་བདེ་བ་ཞེས་བྱ་བ་ལུས་ལ་ཡིད་བཞིན་གྱི་ནོར་བུ་རིན་པོ་ཆེའི
330b5 ཆར་འབེབས་པ། རིན་པོ་ཆེ་རེ་རེའང་རང་བཞིན་གྱིས་རྒྱལ་མཚན་དང་། བ་དན་གྱི་སྟེང་དུ་འདུག་ནས་སངས་རྒྱས་ལ་སྐྱབས་སུ་འགྲོ་བ་དང་། ཆོས་དང་དགེ་འདུན་ལ་སྐྱབས་སུ་འགྲོ
330b6 བར་ཆད་པ་དང་། ཡན་ལག་ལྔའི་ཚུལ་ཁྲིམས་ཀྱི་སྒྲ་དང་། དགེ་བའི་ཆོས་དཔག་ཏུ་མེད་པ་དང་། ཕ་རོལ་ཏུ་ཕྱིན་པ་ཐམས་ཅད་དང་། བྱམས་པ་བྱང་ཆུབ་ཀྱི་ཡན་ལག་གི་སྒྲ་ལ
330b7 འཛུད་པ། རྒྱལ་པོ་ཆེན་པོ་ལྔ་པ་སྒྲ་དབྱངས་དྲག་པོ་ཞེས་བྱ་བར་ལུས་ཀྱི་བ་སྤུའི་ཁུང་བུ་ཐམས་ཅད་ནས་ནུ་འབབ་པ། ནུ་རེ་རེའི་སྟེང་དུ་མེ་ཏོག་པདྨ་བྱེ་བ་ཕྲག་ལྔ་བརྒྱ་ཡོད་པ། པདྨ་རེ་རེའི
iiif viewer powered by OpenSeadragon
