| e-texts navigator |
| Wylie |
328b1 འཁོར་ལོ་སྤྱོད། ཤིང་དེ་དག་ལས་འབྲས་བུ་སྐྱེས་པའི་ཁ་དོག་བཻ་ཌཱུཪྻ་བཞིན་འདུག། ཁ་དོག་དེ་དག་ཐམས་ཅད་བཻ་ཌཱུཪྻའི་ནང་དུ་འདུས་པ། འོད་ཟེར་དེ་དག་ཐམས་ཅད་གཡས་བྱོག
328b2 སུ་འཁོར་བ། སྒྲ་སྙན་པ་སྣ་ཚོགས་འབྱུང་བ། སྒྲ་ཐམས་ཅད་ལས་བྱམས་པ་ཆེན་པོ་དང་། སྙིང་རྗེ་ཆེན་པོའི་ཆོས་འཆད་པ། རེ་རེའི་ཕོ་བྲང་མཐོ་ཁྱད་ནི་དཔག་ཚད་དྲུག་ཅུ་རྩ་གཉིས
328b3 རྔམས་སུ་དཔག་ཚད་བཅུ་བཞི་ཀླུའི་རྒྱལ་པོ་བྱེ་བ་ཕྲག་ལྔ་བརྒྱས་ནི་ཕོ་བྲང་བསྐོར། ཀླུའི་རྒྱལ་པོ་རེ་རེའང་བྱེ་བ་ཕྲག་ལྔ་བརྒྱའི་རིན་པོ་ཆེ་སྣ་བདུན་གྱི་ཤིང་གི་རྭར་བབ་པས་ཕོ་བྲང་གི་སྟེང
328b4 བརྒྱན། རང་བཞིན་རླུང་བྱུང་བས་ཤིང་དེ་དག་བསྐྱོད་པ་དང་། ཤིང་དེ་དག་ལས་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་དང་། ཕ་རོལ་ཏུ་ཕྱིན
328b5 པ་ཐམས་ཅད་ཀྱི་སྒྲ་བྱུང་བར་གྱུར་ཏོ། ། དེ་ནས་ཕོ་བྲང་དེའི་ནང་ན་རྒྱལ་པོ་ཆེན་པོ་ལེའུ་དུ་བ་ཏི་ཞེས་བྱ་བ་སྟན་ལ་འདུག་པ་ལས་ལངས་ཏེ། ཕྱོགས་བཅུའི་དེ་བཞིན་གཤེགས
328b6 པ་ཐམས་ཅད་ལ་ཕྱག་འཚལ་ནས་སྨོན་ལམ་འདི་སྐད་ཅེས་བཏབ་བོ། ། བདག་གི་བསོད་ནམས་ཀྱིས་བྱང་ཆུབ་སེམས་དཔའ་བྱམས་པའི་ཆོས་ཀྱི་ཕོ་བྲང་བྱེད་པའི་བསོད་ནམས་དང་ལྡན་ན།།
328b7 བདག་གི་སྤྲིན་མཚམས་བར་ནས་ནོར་བུ་རིན་པོ་ཆེ་རང་བྱུང་བར་གྱུར་ཅིག་ཅེས་སྨོན་ལམ་བཏབ་པ་དང་། དེ་མ་ཐག་ཏུ་བྱེ་བ་ཕྲག་བརྒྱའི་རིན་པོ་ཆེ་བྱུང་ནས། རིན་པོ་རེ་བཻ་ཌཱུརྱལ་སོགས
iiif viewer powered by OpenSeadragon
