| e-texts navigator |
| Wylie |
326a1 བུ་ཡིན། ། གང་ཞིག་ཚུལ་འདི་རྟག་སྒོམ་པ།། ཤེས་རབ་ཕ་རོལ་ཕྱིན་པའི་ཚུལ།། གང་ཞིག་འདི་ནི་རྟག་སྒོམ་པ།། དངོས་པོ་ཀུན་ལས་ལུས་གྲོལ་ནས།། གོ་འཕང
326a2 མཆོག་ནི་ཐོབ་པར་འགྱུར། ། བླ་ན་མེད་པའི་བྱང་ཆུབ་གང་།། སངས་རྒྱས་ཀུན་གྱིས་རྣམ་བསྒོམས་པ།། བསྒོམས་དང་བཅས་པས་འཛིན་ན་ནི།། ཐེག་ཆེན་འབྲས་བུ་འཐོབ་པར་འགྱུར།།
326a3 འཕགས་པ་བདག་མེད་པ་དྲི་བ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །། རྒྱའི་སྐད་དུ། ཀྭན་བྱི་ལོག་པོས་ཞོང་ཤེ་ཏེའུ་ཤྭང་ཐེན་ཀྱེང
326a4 བོད་སྐད་དུ། འཕགས་པ་བྱང་ཆུབ་སེམས་དཔའ་བྱམས་པ་དགའ་ལྡན་གནས་ས་སྐྱེ་བ་བླངས་པའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད
326a5 བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ཀྱི་ཡུལ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་གི་དགེ་འདུན་ཆེན་པོ་དང་། བྱང་ཆུབ
326a6 སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་མཚན་མོའི་ཐུན་དང་པོ་ལ་སྐུ་ལས་འོད་ཟེར་གྱི་ཁ་དོག་ལྟ་བུ་བྱུང་ནས། རྒྱལ་བྱེད
326a7 ཀྱི་ཚལ་ལན་བདུན་བསྐོར་ཏེ། ཁྱིམ་བདག་སུ་ཏ་ཤ་ལ་སོགས་པ་འོད་ཀྱིས་རེག་པར་བྱས་ནས། འོད་ཟེར་ཁ་དོག་ལྟ་བུ་ནམ་མཁའ་ལ་སྤྲིན་བཞིན་དུ་ཁྱབ་པར་བྱས་ནས། མཉན་དུ་ཡོད་པའི
iiif viewer powered by OpenSeadragon
