| e-texts navigator |
| Wylie |
321b1 པའི་རྩོད་པར་མི་འགྱུར་ལགས་སམ། ཞེས་ཟེར་བ་ནི་མ་འོངས་པའི་དུས་ན། ང་མྱ་ངན་ལས་འདས་ནས་ལོ་ལྔ་བརྒྱ་ནས་རྩོད་པར་འགྱུར་ཏེ། དེའི་ཚེ་གང་ཟག་རྣམས་མོས་པ་དང་། ཤེས
321b2 རབ་ཆེ་ཆུང་གི་དབང་གིས་དོན་མ་ནོར་བར་རྟོགས་མ་རྟོགས་ཀྱི་བྱེ་བྲག་མེད་པར་བདག་ཉིད་ཀྱི་དོན་མ་ཡིན་པ་ལ་ངེས་པར་བྱས་ཏེ། གཞན་གྱི་དོན་ཡིན་པའང་མ་ཡིན་པར་བསྒྲུབས་ནས་རྩོད་པར
321b3 འགྱུར་རོ། ། གཞན་དྲུང་ན་འཁོད་ཅིང་མཉན་པ་རྣམས་ཀྱིས་ཀྱང་དོན་གཞན་ཕྱོགས་འཛིན་པར་མི་བྱེད་ཀྱི། ཡུལ་གྱི་བསྡུས་པ་དང་། གཉེན་པོའི་ཕྱོགས་འཛིན་པར་འགྱུར་རོ།། དོན་མ
321b4 ནོར་བར་ཤེས་པ་རྣམས་ཀྱིས་ཀྱང་མི་ཤེས་པ་རྣམས་ལ་བསྟན་པར་བྱ་བའི་ཕྱིར་མི་རྩོད་ཀྱི། སྨ་དབབ་པ་དང་ཤེད་གཅད་པའི་ཕྱིར་རྩོད་དེ། ཁྱོད་ཀྱིས་དོར་གྱི་ངོ་བོ་ཇི་ལྟ་མཐོང་བ་སྨོས་ཞེས་དྲིས
321b5 ནས་དེས་སྨྲས་པ་དང་། དོན་མ་ནོར་ཡང་མདོ་སྡེ་གཞན་ལ་བརྩམས་ནས་སྨྲ་བར་འགྱུར་རོ།། ཁྱོད་འདི་སྐད་ཟེར་ཞེས་ནོར་བ་གཞན་ལ་སྒྲོགས་པར་འགྱུར་རོ།། བདག་ཉིད་ལས་མ
321b6 གཏོགས་པ་གཞན་གྱིས་མ་ཤེས་ན་ཅི་མ་རུང་སྙམ་པར་འགྱུར་རོ། ། བྱང་ཆུབ་ཀྱི་ཕྱིར་མ་ཡིན་གྱི། ཟང་ཟིང་གི་ཕྱིར་སྒྲོགས་པར་འགྱུར་རོ།། དེ་སྐད་ཅེས་བཀའ་སྩལ་བ་དང་།
321b7 འཇམ་དཔལ་གྱིས་ཡང་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ལ་བརྟག་པའི་ཐབས་ལྔ་པོ་འདི་དག་ཆོས་ཀྱི་གཞི་གཅིག་ལ་ཐ་དད་པར་འགྱུར་ན། ཆོས་ཀྱི་གཞི་དེ་ནི་ག
iiif viewer powered by OpenSeadragon
