| e-texts navigator |
| Wylie |
314b1 སློང་དེ་དག་ངོ་མཚར་དུ་གྱུར། རྨང་དུ་བྱུང་བར་གྱུར་ཏེ། འདི་ལྟར་ཁྱིམ་བདག་དཔལ་སྔ་བཅོམ་ལྡན་འདས་མེ་དོང་དུ་སྲེག་པ་དང་། སེམས་ཅན་དམྱལ་བ་ཆེན་པོར་ལྟུང་བར་འདོད་པ་དེ། བཅོམ་ལྡན
314b2 འདས་ཀྱིས་སེམས་ཅན་དམྱལ་བ་ཆེན་པོ་ལས་བཟློག་སྟེ། ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་པ་འདི་ནི་ངོ་མཚར་རྨད་དུ་བྱུང་བའོ་སྙམ་པ་དང་། བཅོམ་ལྡན་འདས་ཀྱིས
314b3 བཀའ་སྩལ་པ། དགེ་སློང་དག་ཁྱིམ་པ་དག་དཔལ་སྦས་ད་ལྟར་འབའ་ཞེགང་མདོང་དུ་བསྲེག་པ་དང་། སེམས་ཅན་དམྱལ་བ་ཆེན་པོར་ལྟུང་བར་འདོད་ལ། ངས་དེ་སེམས་ཅན་དམྱལ་བ་ཆེན་པོ་དེ་ལས
314b4 བཟློག་སྟེ། ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་པར་ཡང་མ་ཟད་དེ། དགེ་སློང་དག་གཞན་གྱི་ཚེའང་ཁྱིམ་བདག་དཔལ་སྦས་ང་མེ་དོང་དུ་བསྲེག་པ་དང་། སེམས
314b5 ཅན་དམྱལ་བ་ཆེན་པོར་ལྟུང་བར་འདོད་དེ། ངས་དེ་སེམས་ཅན་དམྱལ་བ་ཆེན་པོ་དེ་ལས་བཟློག་གོ།། དགེ་སློང་དེ་དག་གིས་གསོལ་པ། བཙུན་པ་བཅོམ་ལྡན་འདས་ཁྱིམ་བདག་དཔལ་སྦས་གཞན
314b6 གྱི་ཚེ། བཅོམ་ལྡན་འདས་ཞུགས་ཀྱི་དོང་དུ་བསྲེགས་ཏེ། སེམས་ཅན་དམྱལ་བ་ཆེན་པོ་མནར་མ་མཆིས་པར་ལྟུང་བར་འཚལ་ལ། བཅོམ་ལྡན་འདས་ཀྱིས་དེ་སེམས་ཅན་དམྱལ་བ་ཆེན་པོ་དེ་ལས
314b7 ཐར་པར་མཛད་པ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔོན་བྱུང་བ་འདས་པའི་དུས་ན། བྲམ་ཟེའི་ཁྱེའུ་རོས་འདོད་ཅེས་བྱ་བ་ཚུལ་ཁྲིམས
iiif viewer powered by OpenSeadragon
