| e-texts navigator |
| Wylie |
313b1 མེས་འགེངས་སུ་བཅུག་སྟེ། མེ་མི་འབར་ཞིང་དུ་བ་མི་འཐུལ་བས་བཀང་ནས། མཆོད་སྡོང་མཐོན་པོ་འཛུགས་སུ་ཆུག་ལ། འཛུགས་སུ་བཅུག་ནས། མེ་དོང་དར་བདག་ཉིད་མཆོངས་ན།
313b2 དེ་ལྟ་ན་ངས་ཁྱོད་ལ་ལེགས་པར་བཤད་པ་བསྒྲག་པར་བྱའོ།། བྲམ་ཟེའི་ཁྱེའུ་ཆོས་འདོད་ཀྱིས་སྨྲས་པ། འཕགས་པ་བདག་འདི་ན་ལགས་པར་བཤད་པ་གང་ཅི་རོལ་པ་དེ་ཐམས་ཅད་ནི་སེམས་ཅན་རྣམས
313b3 ཀྱི་དོན་གྱི་སླད་དུ་ལགས་ན། སློབ་དཔོན་བདག་གིས་ལེགས་པར་བཤད་པ་སེམས་ཅན་རྣམས་ལ་མ་བསྒྲགས་པར། ཇི་ལྟར་མེ་དོང་དུ་མཆོང་བར་བགྱི། དེ་ནས་བྲམ་ཟེ་དེས་བྲམ་ཟེའི་ཁྱེའུ་ཆོས
313b4 འདོད་ལ་ཚིགས་སུ་བཅད་དེ་སྨྲས་པ། སྔགས་ཚོལ་བདེ་བ་ག་ལ་ཡོད།། ག་ལ་བདེ་ཡོད་སྔགས་ཚོལ་བ།། སྔགས་བཙལ་ཕྱིར་ན་བདེ་བ་འོར།། བདེ་བ་འོར་ཅིག་སྔགས་བཙལ་ཕྱིར།། དེ་ནས
313b5 བྲམ་ཟེའི་ཁྱེའུ་ཆོས་འདོད་ཀྱིས། དྲམ་ཟེ་དེ་ལ་ཚིགས་སུ་བཅད་དེ་སླར་སྦས་པ། བྱང་ཆུབ་ཚོལ་བ་ག་ལ་བདེ།། ག་ལ་བ་ཡོད་བྱང་ཆུབ་རོལ།། བྱང་ཆུབ་ཙལ་ཕྱིར་བདེ་བ་འོར།། བདེ་འོང
313b6 བྱང་ཆུབ་བཙལ་བའི་ཕྱིར། ། དེ་ནས་བྲམ་ཟེའི་ཁྱེའུ་ཆོས་འདོད་ཀྱིས། བྲམ་ཟེ་དེ་ལ་འདི་སྐད་ཅེས་སྨྲས་སོ།། སློབ་དཔོན་བདག་ལ་ལེགས་པར་བཤད་པ་ལེགས་པར་བསྒྲག་ཏུ་གསོལ།
313b7 འོན་ཀྱང་ཁྱོད་གང་བཞེད་པ་དེ་བགྱིའོ།། བྲམ་ཟེའི་ཁྱེའུ་ཆོས་འདོད་ལེགས་པར་བཤད་པའི་དོན་གྱི་ཕྱིར་བདག་ཉིད་དོར་བར་འདོད་དོ་ཞེས་བྲམ་ཟེ་དང་ཁྱིམ་བདག་རྣམས་ཀྱིས་ཐོས་ནས།
iiif viewer powered by OpenSeadragon
