| e-texts navigator |
| Wylie |
312b1 བཅས་པ། ། དེ་ཀུན་གཏི་མུག་དྲག་ལས་བྱུང་།། གཏི་མུག་འདིན་དུག་གི་མཆོག། དྲག་པོའི་དུག་གིས་དུག་བཅོམ་སྟེ།། བསྲུང་དང་ཡོངས་སུ་བཟུང་བ་བྱས།། སངས་རྒྱས་ཀུན་གྱིས་དུག།
312b2 བཅོམ་པས།། རྫོགས་སངས་རྒྱས་ལ་སྐྱབས་སུ་དོང་།། དེ་བཞིན་བགྱིའོ་ཞེས་ཏེ། ཁྱིམ་བདག་དཔལ་སྦས་ཀྱིས་བཅོམ་ལྡན་འདས་ལས་ཚིགས་སུ་བཅད་པ་དེ་དག་ལེགས་པར་རབ་ཏུ་བླངས་ཏེ། བླངས་ནས
312b3 ཟས་དེ་དག་ལ་ལན་གསུམ་བཟླས་ཏེ། རང་གི་ལག་གིས་ཞལ་ཟས་བསོད་པ་མང་པོ་དགེ་སློང་གི་དགེ་འདུན་ལ་བསྟབས་ཏེ་ཚིམ་པར་བྱས་སོ།། དེ་ནས་ཁྱམི་བདག་དཔལ་སྔས་ཀྱིས་བཅོམ་ལྡན་འདས།།
312b4 དང་དགེ་སློང་གི་དགེ་འདུན་བཤོས་གསོལ་ཟིན་ཏེ། ཕྱག་བཅབས་ལྷུང་བཟེད་གྱུ་བར་རིག་ནས། སྟན་ཞིག་བླངས་ཏེ་ཕྱོགས་གཅིག་ཏུ་འདུག་གོ།། ཁྱིམ་བདག་དཔལ་སྔས་ཕྱོགས་གཅིག་ཏུ
312b5 འདུག་པ་དང་། བཅོམ་ལྡན་འདས་ཀྱིས་གཏམ་རིམ་གྱིས་མཛད་པ། འདི་ལྟ་སྟེ། གང་འདི་སྦྱིན་པའི་གཏམ་དང་། ཚུལ་ཁྲིམས་ཀྱི་གཏམ་དང་། མཐོ་རིས་གྱི་གཏམ་དང་། འདོད་པའི་ཉེས
312b6 དམིགས་དང་། དེའི་འོག་ཏུ་ཟག་པ་དང་། ཀུན་ནས་ཉོན་མོངས་པ་དང་། མངོན་པར་འབྱུང་བའི་ཕན་ཡོན་དང་། རྣམ་པར་བྱང་བའི་ཕྱོགས་སོ།། དེ་ནས་བཅོམ་ལྡན་འདས་ཀྱིས་ཁྱིམ་བདག་དཔལ
312b7 སྦས་ལ་རྒྱ་ཆེར་རབ་ཏུ་བསྟན། རབ་ཏུ་འཇོག། རྣམ་པར་འགྲེལ། རྣམ་པར་འབྱེད། གསལ་བར་མཛད་དོ།། བཅོམ་ལྡན་འདས་ཀྱིས་གང་གི་ཚེ་ཁྱིམ་བདག་དཔལ་སྦས་སེམས་དགའ་བ་དང
iiif viewer powered by OpenSeadragon
