| e-texts navigator |
| Wylie |
238b1 པ་གནས་བྱེད་དང་། ། འཇིག་རྟེན་ན་ནི་རྟེན་མེད་སེམས།། དེ་ནི་དགེ་སློང་ཆོས་ཉིད་དོ།། སེང་གེ་བཞིན་དུ་འཇིགས་པ་མེད།། ཚངས་པར་སྤྱོད་པ་གཞོལ་བར་བྱེད།། སྡུག་བསྔལ་ཀུན
238b2 ལས་ཐར་བྱའི་ཕྱིར། ། ཤེས་རབ་ལྡན་པས་ལམ་ལ་སྒོམ།། མིག་དང་གཟུགས་ནི་ཚོལ་བ་ན།། དེ་དག་གིས་ནི་རྣམ་ཤེས་རྙེད།། དངོས་པོ་དེ་ཡང་ཚོལ་བ་ན།། བཙལ་བ་གང་ཡིན་མི
238b3 རྙེད་དེ། སྔོན་ཡང་མ་བྱུང་ཕྱིས་མི་འབྱུང་།། དབུས་ནའང་ཡོད་པ་མ་ཡིན་ཏེ།། དེ་ལྟ་བུ་ཡི་དོན་གྱིས་ན།། ཆོས་ཀུན་མཉམ་པ་ཉིད་ཀྱི་ཕྱིར།། དེས་པ་དེ་དག་ཟས་ཕྱིར་དང་།། སྐོམ་གྱི
238b4 ཕྱིར་དང་གོས་ཀྱི་ཕྱིར། ། ཁྱིམ་ཁྱིམ་དག་ཏུ་འགྲོ་བྱེད་ཅིང་།། ཆོས་རྣམས་སྟོན་པར་མི་བྱེད་དོ།། རྒྱུ་མེད་དེས་པ་བཟུང་པོ་ཡིན།། དེ་དག་སངས་རྒྱས་བསླབ་པ་རྣམས།། འདའ་ཞིང།
238b5 འཇིགས་པར་མི་བྱེད་དེ།། བརྟུལ་བཟང་སྟོང་ཉིད་སྐྲག་པ་མེད།། འཇིགས་པ་མེད་པར་འཇུག་པ་བྱེད།། ལྟ་བ་མི་བཟད་འཇིག་མི་བྱེད།། སེམས་ཅན་གང་ཟག་དངོས་མི་འཇིག
238b6 དཀར་པོའི་ཆོས་རྣམས་ཐམས་ཅད་ལ། ཤིན་ཏུ་བསྟན་པར་གནས་པ་ཡིན།། བརྟན་པོ་དེ་དག་འཇིག་རྟེན་ན།། མྱ་ངན་འདའ་བར་རེག་གྱུར་ནས།། མཆོད་པའི་གནས་སུ་འོས་པར་འགྱུར།
238b7 གང་དག་ཤེས་རབ་འཆལ་པ་དང་།། ལེ་ལོ་ཅན་དང་དམན་ལ་བརྩོན།། ཐོས་པ་ཉུང་དང་སྡིག་པར་འདོད།། ང་རྒྱལ་ཐ་བ་ཁྲོ་འབྱུང་གནས།། མགོ་ལ་སྤུ་གྲི་སྟེན་བྱེད་ཅིང་།། ཤིང་གི
iiif viewer powered by OpenSeadragon
