| e-texts navigator |
| Wylie |
220a1 ཀུན་དགའ་བོ་གཞན་ཡང་ཁྱོད་ཀྱིས་རྣལ་འབྱོར་སྤྱོད་པའི་དགེ་སློང་དགྲ་བཅོམ་པ་ཉིད་མངོན་སུམ་དུ་བྱ་བར་འདོད་པ་རྣམས་ལ་འདོད་ཆགས་དང་། ཞེ་སྡང་དང་། ཏིག
220a2 མུག་རྣམས་ནི་སྤང་དུ་མེད་པར་ཆོས་སྟོན་ཅིག། དེ་བཞིན་གཤེགས་པ་བལྟར་མེད་པ་དང་། ཆོས་མཉན་དུ་མེད་པ་དང་། དགེ་འདུན་ལ་བསྙེན་བཀུར་བྱར་མེད་པར་ཆོས་སྟོན་ཅིག། ཀུན
220a3 དགའ་བོ་འདོད་ཆགས་དང་། ཞེ་སྡང་དང་།། གཏི་མུག་རྣམས་ནི་སྤང་དུ་མེད་པ་ཁོ་ན་སྟེ། འདོད་ཆགས་དང་། ཞེ་སྡང་དང་། གཏི་མུག་རྣམས་ཡ་མ་བརླ་ཡིན་པའི་ཕྱིར་རོ།། ཀུན་དགའ
220a4 བོ་སྐད་ཅིག་པ་རྣམས་ནི་སྤང་བར་བྱ་བ་མ་ཡིན་ཏེ་མེད་པའི་ཕྱིར་རོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན
220a5 འདས་ཇི་ལྟར་དེ་བཞིན་གཤེགས་པ་བལྟར་མ་མཆིས་པ་ལགས། ཇི་ལྟར་ཆོས་མཉན་དུ་མ་མཆིས་པ་ལགས། ཇི་ལྟར་དགེ་འདུན་ལ་བསྙེན་བཀུར་བགྱིར་མ་མཆིས་པ་ལགས། བཅོམ
220a6 ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་བཞིན་གཤེགས་པ་ནི་བསྟན་དུ་མེད་པ་སྟེ། དེ་ནི་མིག་གིས་བལྟ་བར་མི་ནུས་སོ།། ཀུན་དགའ་བོ་ཆོས་ནི་བརྗོད་དུ་མེད་པ་སྟེ། དེ་ནི་ན
220a7 བས་མཉན་པར་མི་ནུས་སོ། ། ཀུན་དགའ་བོ་དགེ་འདུན་ནི་འདུས་མ་བྱས་པ་སྟེ། དེ་ནི་ལུས་སམ། ངག་གམ། སེམས་ཀྱིས་བསྙེན་བཀུར་བྱར་མི་ནུས་སོ།། དེ་ནས་སོམ
iiif viewer powered by OpenSeadragon
