| e-texts navigator |
| Wylie |
175a1 བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དང་། འཁོར་དེ་དག་ཐམས་ཅད་ཁྱོད་ལ་ལྟ་འདོད་ཀྱི། འཇིག་རྟེན་གྱི་ཁམས་མི་མཇེད་ཅེས་བྱ་བ་དེར་སོང་ནིག།
175a2 འཇམ་དཔལ་གྱིས་གསོལ་པ། བཅོམ་ལྡན་འདས་བདག་གིས་ཀྱང་ལྟས་སྔོན་དུ་བྱུང་བ་འདི་འཚལ་ཏོ།། དེ་ནས་འཇམ་དཔལ་གཞོན་ནུར་གྱུར་པ་བྱང་ཆུབ་སེམས་དཔའ་སྟོང་ཕྲག་བཅུ
175a3 དང་ལྷན་ཅིག་ཏུ་དེ་བཞིན་གཤེགས་པ་རིན་པོ་ཆེའི་ཏོག་གི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་དེ་བཞིནི་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
175a4 རིན་པོ་ཆེའི་ཏོག་ལ་ལན་གསུམ་དུ་བསྐོར་བ་བྱས་ནས། འདི་ལྟ་སྟེ། སྐྱེས་བུ་སྟོབས་པོ་ཆེས་ལག་པ་བསྐུམ་པ་ལས་བརྐྱང་བའམ། ལག་པ་བརྐྱང་བ་ལས་བསྐུམ་པ་བཞིན་དུ་སྐད་ཅིག
175a5 ཡུད་ཙམ་ཐང་ཅིག་དེ་ཉིད་ཀྱིས་འཇིག་རྟེན་གྱི་ཁམས་མི་མཇེད་འདིར་ཕྱིན་ཏེ། དེ་བར་སྣང་ལ་ལུས་མི་སྣང་བར་འདུག་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང
175a6 དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་མཆོད་པར་བྱ་བའི་ཕྱིར། མེ་ཏོག་སྔོན་མ་མཐོང་མ་ཐོས་པ། དྲི་ཞིམ་པ། ཁ་དོག་དང་ལྡན་པ་ཡིད་དུ་འོང་བའི་ཆར་ཆེན་པོ་མངོན་པར་བབ་སྟེ།
175a7 མེ་ཏོག་གི་ཆར་ཆེན་པོ་ཕབ་པ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་པུས་མོ་ནུབ་པ་ཙམ་དུ་གང་བར་གྱུར་ཏོ།། དེ་ནས་འཁོར་དེ་ཐམས་ཅད་མེ་ཏོག་གི་ཆར་ཆེན
iiif viewer powered by OpenSeadragon
