| e-texts navigator |
| Wylie |
174b1 ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ད་ལྟ་བཞུགས་ཏེ་འཚོ་ཞིང་གཞེས་པ་ཆོས་ཀྱང་སྟོན་ཏོ། ། བཅོམ་ལྡན་འདས་དེ་བཞིན
174b2 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེས་ཞལ་གྱི་མཛོད་སྤུ་ནས་འོད་ཟེར་གཅིག་བཏང་བས། འོད་ཟེར་གྱི་སྣང་བ་དེས་སངས་རྒྱས་ཀྱི་ཞིང་སྟོང
174b3 ཕྲག་བརྒྱད་ལས་ཐལ་ནས། འཇིག་རྟེན་གྱི་ཁམས་འདི་སྣང་བ་ཆེན་པོས་སྣང་བར་བྱས་སོ།། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་གསོལ་པ། བཅོམ་ལྡན་འདས་ཅིའི་སླད
174b4 དུབཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ས་འོད་ཟེར་འདི་བཏང་། བཅོམ་ལྡན་འདས་རིན་པོ་ཆེའི་ཏོག་གིས་བཀའ་སྩལ་པ།
174b5 འཇམ་དཔལ་གཞོན་ནུར་གྱུར་པ་སྦྲན་པའི་ཕྱིར་རོ།། དེ་ཅིའི་ཕྱིར་ཞེ་ན། འཇམ་དཔལ་གཞོན་ནུར་གྱུར་པ་དེར་འོང་བར་བྱ་བའི་ཕྱིར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ
174b6 བགྲང་བ་ལས་འདས་པ་རྣམས་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་མང་པོ་ལ་སོགས་པ་འཁོར་དེར་ཚོགས་པ་དེ་དག་འཇམ་དཔལ་གཞོན་ནུར་གྱུར་པ་ལ་བལྟ་བ་དང་།
174b7 ཆོས་ཉན་པར་འདོད་དོ།། དེ་ནས་དེ་བཞིན་གཤེགས་པ་རིན་པོ་ཆེའི་ཏོག་གིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ
iiif viewer powered by OpenSeadragon
