| e-texts navigator |
| Wylie |
174a1 འགྱུར་རོ། ། དམ་པའི་ཆོས་ཀྱང་ཡུན་རིང་དུ་གནས་པར་འགྱུར་རོ།། དེ་བཞིན་གཤེགས་པའང་དེ་ལ་རྗེས་སུ་ཡི་རང་ཞིང་རབ་ཏུ་གཟུང་བ་མཛད་དོ།།
174a2 དེ་ནས་བཅོམ་ལྡན་འདས་ཀྱིས་ལྷའི་བུ་རབ་ཏུ་ཞི་བ་རྣམ་པར་དུལ་བའི་དབང་ཕྱུག་གསོལ་བ་འདེབས་པར་མཁྱེན་ནས། ཞལ་གྱི་མཛོད་སྤུ་ནས་འོད་ཟེར་གཅིག་བཏང་སྟེ། དེས་སྟོང་གསུམ
174a3 གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྣང་བ་ཆེན་པོས་སྣང་བར་བྱས་ནས། སངས་རྒྱས་ཀྱི་ཞིང་སྟོང་ཕྲག་བཅོ་བརྒྱད་པོ་དེ་དག་ལས་ཐལ་ཏེ། བཅོམ་ལྡན་འདས་དེ་བཞིན་གཤེགས
174a4 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་ཏོག་དེའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ཞེས་བྱ་བ་དེ་སྣང་བ་ཆེན་པོས་ཁྱབ་པར་བྱས་སོ། །
174a5 དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་ཏོག་བཞུགས་པ་ལ་བྱང་ཆུབ་སེམས་དཔའ་སེམས་དཔའ
174a6 ཆེན་པོ་ཁ་ཅིག་གིས་གསོལ་པ། བཅོམ་ལྡན་འདས་འདི་ལྟར་འོད་ཆེན་པོ་རབ་ཏུ་གདའ་བ་འདི་སུའི་སྔ་ལྟས་སྔོན་བྱུང་བ་ལགས། བཅོམ་ལྡན་འདས་རིན་པོ་ཆེའི་ཏོག་གིས་བཀའ་སྩལ
174a7 པ། རིགས་ཀྱི་བུ་སངས་རྒྱས་ཀྱི་ཞིང་འདི་ནས་ནུབ་ཕྱོགས་སུ་སངས་རྒྱས་ཀྱི་ཞིང་སྟོང་ཕྲག་བཅོ་བརྒྱད་འདས་པ་ན། འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་བཅོམ
iiif viewer powered by OpenSeadragon
