| e-texts navigator |
| Wylie |
173b1 སུསངས་རྒྱས་ཀྱི་ཞིང་སྟོང་ཕྲག་བཅཝོ་བརྒྱད་འདས་པ་ན། འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར
173b2 རྫོགས་པའི་སངས་རྒྱས་རིན་པོ་ཆེའི་ཏོག་ཅེས་བྱ་བ་དེ་ད་ལྟར་དེ་ན་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ།། འཇམ་དཔལ་གཞོན་ནུར་གྱུར་པའང་ད་ལྟར་དེ་ན་འདུག་གོ།
173b3 དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ལྷའི་བུ་རབ་ཏུ་ཞི་བ་རྣམ་པར་དུལ་བའི་དབང་ཕྱུག་གིས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇམ་དཔལ
173b4 གཞོན་ནུར་གྱུར་པ་ལ་ཅི་ནས་དེ་མཚན་མ་རིག་པས་འདིར་མཆི་བར་སེམས་པ་དེ་ལྟ་བུའི་མཚན་མ་ཞིག་མཛད་ན་ལེགས་སོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་ཇི་ལྟར་འཇམ་དཔལ
173b5 གཞོན་ནུར་གྱུར་པ་ལས་ཐོས་པ་ལྟ་བུར། ཉན་ཐོས་དང་རང་སངས་རྒྱས་ཐམས་ཅད་དང་། བྱང་ཆུབ་སེམས་དཔའ་དམིགས་པ་ཅན་རྣམས་ལས་དེ་ལྟ་བུའི་ཆོས་བསྟན་པ་མི་ཐོས་ཏེ། དེ
173b6 བཞིན་གཤེགས་པ་མ་གཏོགས་པར་གཞན་སུའང་དེ་ལྟ་བུར་ཆོས་སྟོན་མི་ནུས་སོ། ། བཅོམ་ལྡན་འདས་ནམ་འཇམ་དཔལ་ཆོས་སྟོན་པ་དེ་ན། བདུད་ཀྱི་ཁང་པ་ཐམས་ཅད་མོག་མོག་པོར
173b7 འགྱུར་རོ། ། བདུད་ཐམས་ཅད་ཀྱིས་ཀྱང་གླགས་མི་རྙེད་དོ།། ཕ་རོལ་རྒོལ་བ་ཐམས་ཅད་ཀྱང་ཤིན་ཏུ་ཚར་ཆོད་པར་འགྱུར་རོ།། དམིགས་པ་ཅན་རྣམས་ཀྱང་དམིགས་པ་མ་མཆིས་པར
iiif viewer powered by OpenSeadragon
