| e-texts navigator |
| Wylie |
172a1 དགེ་སློང་ཆོས་སྨྲ་གང་ཡིན་པས།། ངས་བསྟན་པ་ཡི་མདོ་ཟབ་པ།། འདི་ནི་རབ་ཏུ་སྤོང་བར་བྱེད།། བདག་ཏུ་སྨྲ་བའི་དགེ་སློང་གང་།། དམིགས་པ་ལ་ནི་རབ
172a2 གནས་པས། ། བདག་མེད་ཆོས་དག་ཐོས་ནས་ཀྱང་།། ང་ཡི་བསྟན་པ་སྤོང་བར་བྱེད།། དགེ་སློང་ཚུལ་ཁྲིམས་འཆལ་པ་གང་།། སྡིག་པའི་ཆོས་ཅན་མི་སྡོམ་པས།། ཡོ་བྱད་བསྙུངས་པའི
172a3 ཆོས་ཐོས་ན། ། ང་ཡི་བསྟན་པ་སྤོང་བར་བྱེད།། སྐྱོབ་པ་ཤཱཀྱ་སེང་གེ་ངའི།། བསྟན་པ་ཤེས་རབ་འཆལ་པ་ཡིས།། སྤངས་ནས་ཀྱང་ནི་ལུས་ཞིག་ནས།། ངན་འགྲོ་རྣམས་སུ་སྐྱེ་བར་འགྱུར།
172a4 ཀུན་དགའ་བོ་ཆོས་བཞི་དང་ལྡན་པའི་དགེ་སློང་གིས་དེ་བཞིན་གཤེགས་པས་ཐུགས་སུ་ཆུད་པའི་ཆོས་འདུལ་བ་དག་ཐོས་ན། དགའ་བ་དང་མཆོག་ཏུ་དགའ་བ་རྒྱ་ཆེན་པོ་དག་རབ་ཏུ་ཐོབ་པར
172a5 འགྱུར་རོ། ། ཀུན་དགའ་བོ་འདི་ལ་བཞི་གང་ཞེ་ན། དགེ་སློང་ལྷག་པའི་ང་རྒྱལ་མེད་པ་ཅན་ཡིན་ནོ།། འཇིག་རྟེན་རྒྱང་འཕེན་པ་དང་མ་འདྲེས་པ་ཡིན་ནོ།། གཞན་དག་ལ་ཆོས་དག་པ་སྟོན
172a6 པ་ཡིན་ནོ། ། དམིགས་པ་དང་ལྡན་པ་ཡིན་ནོ།། བདག་ཏུ་མངོན་པར་ཞེན་པ་མ་ཡིན་ནོ།། དགེ་བའི་ཆོས་ཅན་ཚུལ་ཁྲིམས་དང་ལྡན་པ་ཡིན་ནོ།། ཀུན་དགའ་བོ་ཆོས་བཞི་པོ་འདི་དག་དང་ལྡན
172a7 པའི་དགེ་སློང་གིས། དེ་བཞིན་གཤེགས་པས་ཐུགས་སུ་ཆུད་པའི་ཆོས་འདུལ་བ་དག་ཐོས་ན། དགའ་བ་དང་མཆོག་ཏུ་དགའ་བ་རྒྱ་ཆེན་པོ་དག་རབ་ཏུ་ཐོབ་པར་འགྱུར་རོ།། བཅོམ་ལྡན
iiif viewer powered by OpenSeadragon
