| e-texts navigator |
| Wylie |
98b1 བྱས་པའི་རྒྱུས་ན། ཆོམ་ཤོད་པ་རྣམས་ཀྱིས་འོ་མ་མ་རུང་བའི་ལྷག་མ་ཙམ་ཞིག་ཡོད་པ་བཞིན་དུ། མཐོ་རིས་ཀྱི་བདེ་བ་ཆ་ཤས་ཙམ་ཞིག་ཐོབ་སྟེ། ལོངས་སྤྱོད་པར་བྱེད་ལ། དེ་དག་གིས་ཕ་མ་ལ
98b2 ཕུང་དུང་དུ་བྱ་བ་ཇི་ལྟ་བུ་ཡིན་པའང་མི་ཤེས། གསུམ་ལ་སྐྱབས་སུ་འགྲོ་བ་ཇི་ལྟ་བུ་ཡིན་པའང་མི་ཤེས། གཞན་གྱི་ཆུང་མ་སྤང་བ་ཇི་ལྟ་བུ་ཡིན་པའང་མི་ཤེས། རྟག་པ་ཇི་ལྟ་བུ་ཡིན་པའང་མི
98b3 ཤེས་སོ། ། དེ་ལ་སངས་རྒྱས་ཀྱི་སྤྲུལ་པ་ནི་མི་རྟག་པ་ཡིན། བརྫུན་པ་ཡིན་ཏེ། དེས་ན་འཇིག་རྟེན་པ་རྣམས་དེ་བཞིན་གཤེགས་པ་མི་རྟག་གོ།། མི་བརྟན་ནོ་སྙམ་དུ་འཛིན་ཏེ། དེ་བས་ན་མི་རྟག་པའི
98b4 གཉེན་པོར་དེ་བཞིན་གཤེགས་པ་རྟག་གོ་ཞེས་བྱ་བ་ལ་བརྩོན་པར་བྱའོ། ། རིགས་ཀྱི་བུ་དེ་ནས་པ་གླང་གི་ལྷས་དེའི་སྐལ་བ་ཅན་གྱི་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་ལ། ཆོམ་ཤོད་པ་དེ་དག
98b5 གིས་ཀྱང་། འཁོར་ལོ་སྒྱུར་བའི་རྒྱལ་པོའི་བསོད་ནམས་ཀྱི་མཐུས་དེར་བ་གླང་གཅིག་ཀྱང་མེད་པར་མི་བྱེད་དོ།། དེ་ནས་ནགས་ན་རྒྱུ་བའི་ཆོམ་ཤོད་པ་དེ་དག་གིས་བ་གླང་གི་ལྷས་དེ་བོར་ནས་དེ་འགྲོ་བར
98b6 འགྱུར་རོ། ། དེ་ནས་འཁོར་ལོ་སྒྱུར་བའི་རྒྱལ་པོའི་ཁྱིམ་བདག་རིན་པོ་ཆེས། བ་གླང་གི་ལྷས་དེ་ཉམས་སུ་ལེན་པར་འགྱུར་ཏེ། ཁྱིམ་བདག་རིན་པོ་ཆེ་དེས་རང་གི་བློས་པ་གླང་གི་ལྷས་དེའི་འོ་མའི་དེ་འོན
98b7 ཉིད་ཀྱི་ཐབས་ཤེས་པར་འགྱུར་ལ། བ་རྣམས་ཀྱི་འོ་མའང་འཁོར་ལོ་སྒྱུར་བའི་རྒྱལ་པོའི་བསོད་ནམས་ཀྱིས་ཉིས་འགྱུར་དུ་བཞོར་ཡོད་པ་དེ་བཞིན་དུ། ཆོས་ཀྱི་འཁོར་ལོ་སྒྱུར་བའི་སངས་རྒྱས་འཇིག་རྟེན་དུ
iiif viewer powered by OpenSeadragon
