| e-texts navigator |
| Wylie |
97b1 བརྟན་པ་དང་། ཐེར་ཟུག་ཅེས་བྱ་བའི་བསྟན་པ་མཆོག་ལའང་བརྩོན་པར་གྱིས་ཤིག། འོད་སྲུངས་ཆེན་པོ་དང་རུས་གཅིག་པས་གསོལ་པ། གལ་ཏེ་དེ་བཞིན་གཤེགས་པ་རྟག་པ་ལགས་ན། འཇིག
97b2 རྟེན་པ་དང་འཇིག་རྟེན་ལས་འདས་པ་ཁྱད་པར་ཅི་མཆིས་ལགས། འཇིག་རྟེན་པའང་བདག་ཅག་གི་ཚངས་པ་ནི་རྟག་པ་སྟེ། ཐོག་མའི་དུས་ནས་བྱུང་བ་ཡིན་ནོ་ཞེས་མཆིས་པ་དང་ཁྱད་པར་ཅི
97b3 མཆིས། གལ་ཏེ་དེ་བཞིན་གཤེགས་རྟག་པ་ལགས་ན། ཁྱད་པར་མ་མཆིས་པར་འགྱུར་ལགས་སོ།། །། འཕགས་པ་ཡོངས་སུ་མྱ་ངན་ལས་འདས་པ་ཐེག་པ
97b4 ཆེན་པོའི་མདོ་ལས་བམ་པོ་བཞི་པ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དཔེར་ན་ཚོང་དཔོན་ནམ། ཁྱིམ་བདག་གཅིག་ལ་བ་གླང་སྣ་ཚོགས་སྤུ་མདོག་དུ་མ
97b5 རིགས་དང་རྒྱུད་མང་པོ་ཁྱུ་གཅིག་ཅིང་། ལྷས་གཅིག་པ་དུ་མ་བྱེ་བ་སྙེད་ཡོད་ལ། དེས་པ་གླང་དེ་དག་པ་གླང་རྫིའི་ལག་ཏུ་གཏད་དེ། མར་ཞིམ་པོ་ཟ་ལ། བ་གླང་རྫི་རྣམས་ཀྱང་ལྷས་སྐྱོང་ཞིང་། ཞོ
97b6 དང་འོ་མ་སྲུབ་པ་ལས། ཕྱི་ཞིག་ན་པ་གླང་གི་བདག་པོ་དེ་རང་གི་ཚེ་ཟད་ནས་ཤི་སྟེ།། ཤི་བའི་འོག་ཏུ་ནགས་ན་རྒྱུ་བའི་ཚེམ་ཤོད་ཀྱིས་བ་གླང་དེ་དག་ཕྲོགས་ནས། དེ་དག་ཆུང་མ་མེད་པས། རང
97b7 རང་གིས་འོ་མ་སྲུབས་ཏེ། དེ་དག་གིས་བསྲུབས་པ་ལས། འོས་མ་ཡིན་པའི་ཕྱིར། འོ་མ་དེ་དག་ལས་མར་གྱི་དྲིའང་མི་བྲོ་ལ། ཞོར་ཡང་མ་རུང་། དར་བར་ཡང་མ་རུང་། པྲིས་མར་ཡང་མ་རུང་ན
iiif viewer powered by OpenSeadragon
