| e-texts navigator |
| Wylie |
96b1 ཧིང་འགུ་ལ་སོགས་པ་ཆུ་ཀླུང་ཆེན་པོ་རྣམས་དང་། ཆུ་བྲན་གཞན་རྣམས་རྒྱ་མཚོ་ཆེན་པོ་ཁོ་ནའི་ནང་དུ་འབབ་པ་དེ་བཞིན་དུ། འོད་སྲུངས་ཆེན་པོ་དང་རུས་གཅིག་པ། ལྷ་ཡུལ་དང་སའི་སྟེང་གི་ཚེའི
96b2 ཆུ་ཀླུང་ཡོད་དོ་ཅོག་ཐམས་ཅད་ནི་དེ་བཞིན་གཤེགས་པའི་རྒྱ་མཚོ་ཁོ་ནར་འབབ་སྟེ། དེ་ལྟར་ན་དེ་བཞིན་གཤེགས་པ་མཆོག་ཏུ་སྐུ་ཚེ་རིང་ངོ་།། འོད་སྲུངས་ཆེན་པོ་དང་རུས་གཅིག་པ། གཞན་ཡང
96b3 འདི་ལྟར་ཆུ་ཀླུང་ཆེན་པོ་བཞི་མ་དྲོས་པའི་ནང་ནས་འབྱུང་བ་དེ་བཞིན་དུ། ཚེ་རིང་བའི་ཚོགས་ཐམས་ཅད་ཀྱང་དེ་བཞིན་གཤེགས་པ་ལས་འབྱུང་ངོ་།། འདི་ལྟར་རྟག་པ་ཐམས་ཅད་ཀྱི་ནང་ན་ནི། ནམ་མཁའ
96b4 མཆོག་ཏུ་རྟག་པ་ཡིན་ལ། དེ་བཞིན་གཤེགས་པའང་ནམ་མཁའ་བཞིན་དུ་རྟག་གོ།། འདི་ལྟར་ཞི་བར་བྱེད་པ་ཐམས་ཅད་ཀྱི་ནང་ན་ནི། མར་འབའ་ཞིག་མཆོག་ཏུ་ཞི་བར་བྱེད་པ་ཡིན་ལ། དེ་བཞིན
96b5 གཤེགས་པ་ཞི་བ་དང་བསིལ་བར་གྱུར་པའང་མར་དང་འདྲ་བའི་ཆོས་སྟོན་ཏོ། ། འོད་སྲུངས་ཆེན་པོ་དང་རུས་གཅིག་པས་གསོལ་པ། བཅོམ་ལྡན་འདས་གལ་ཏེ་དེ་ཞིན་གཤེགས་པ་མཆོག་སྐུ་ཚེ
96b6 རིང་བ་ལགས་ན། སེམས་ཅན་ཐམས་ཅད་ལ་སྨན་པའི་སླད་དུ། བཅོམ་ལྡན་འདས་བསྐལ་པ་འམ། བསྐལ་པ་ལྔ་ལྡག་པར་ཡང་ཡུན་རིང་དུ་བཞུགས་ཤིང་། སྤྲིན་ཆེན་པོ་བཞིན་དུ་དམ་པའི་ཆོས
96b7 ཀྱི་ཆར་ཡང་རབ་ཏུ་དབབ་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
iiif viewer powered by OpenSeadragon
