| e-texts navigator |
| Wylie |
95a1 ནི་གསོན་པོར་འདུག་སྟེ། གཅིག་ནི་ལོབས་པར་གྱུར་ན། གསུམ་ནི་ཤི་ཡང་བླ་སྟེ། གསུམ་ནི་ཤི། གཅིག་ནི་ལོབས་པ་དེ། ཅི་སློབ་དཔོན་གྱིས་སྡིག་པའི་ལས་བྱས་ཞེས
95a2 བྱ་འམ། བཅོམ་ལྡན་འདས་དེ་ནི་མ་ལགས་ཏེ། དེ་ལ་ནི་གཉིས་ཀ་ལའང་སྡིག་པའི་ལས་སུ་མི་འགྱུར་ལགས་སོ།། དེ་ཅིའི་སླད་དུ་ཞེ་ན། དེ་ལ་ནི་ཁོན་གྱི་བསམ་པ་མ་མཆིས་ཏེ། དེ་ལྟར་བགྱིས་ན་བསོད
95a3 ནམས་མང་པོ་འཕེལ་བར་འགྱུར་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་དུ། དེ་བཞིན་གཤེགས་པ་ནི་དམ་པའི་ཆོས་སུན་འབྱིན་པའི་སེམས་ཅན་རྣམས་ལ་སྒྲ
95a4 གཅན་ཟིན་བཞིན་དུ་གཟིགས་ཏེ། བུ་རྣམས་སློབ་དཔོན་གྱི་ལག་ཏུ་གཏོང་བ་བཞིན་དུ། རྒྱལ་པོ་དང་། བློན་པོ་དང་། དགེ་བསྙེན་རྣམས་ཀྱི་ལག་ཏུ་གཏོད་པར་མཛད་དོ།། དེ་ནས་རྒྱལ་པོ་དང་། བློན་པོ་དང
95a5 དགེ་བསྙེན་དེ་དག་གིས་བྱིས་པ་གཡེལ་བ་དེ་དག་ཚར་གཅོད་པར་བྱེད་ན། ཅི་དེ་ལ་དེ་བཞིན་གཤེགས་པ་ལ་སྡིག་པའི་ལས་སུ་འགྱུར་ཞེས་བྱ་འམ། བཅོམ་ལྡན་འདས་དེ་ནི་མ་ལགས་ཏེ། རྒྱལ་པོ
95a6 དང་། བློན་པོ་དང་། དགེ་བསྙེན་རྣམས་ལའང་སྡིག་པའི་ལས་སུ་མི་འགྱུར་ན། དེ་བཞིན་གཤེགས་པ་གོས་པ་མི་མངའ་བ་ལྟ་ལ། གོས་པར་ག་ལ་འགྱུར་ཏེ། དེ་ཉིད་ཀྱི་ཡོན་ཏན་དང་སྤྱོད་པ་སྲུངས
95a7 བའི་སྐད་དུ། མ་འདོད་བཞིན་དུ་ཚར་གཅོད་པར་བས་སོ།། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ན་བུ་གཅིག་པའི་འདུ་ཤེས་བསྒོམ་པ་ཡིན་ཏེ། གང་དག་དེ་ལྟར་བསྒོམ་པ་དེ་དག་གིས་ནི
iiif viewer powered by OpenSeadragon
