| e-texts navigator |
| Wylie |
94b1 དག་དེ་རྣམས་ཚར་གཅོད་པར་མི་བྱེད་པ་དེ་དག་ནི། ངའི་བསྟན་པ་ལ་ཤིན་ཏུ་རིང་བ་ཡིན་ནོ།། གང་དག་དེ་རྣམས་ཚར་གཅོད་པར་བྱེད་པ་དེ་དག་ནི། ངའི་སློབ་མ་དང་། ངའི་ཉན་ཐོས་ཡིན་ནོ།།
94b2 འོད་སྲུངས་ཆེན་པོ་དང་རུས་གཅིག་པས་གསོལ་པ། གལ་ཏེ་དེ་བཞིན་གཤེགས་པ་དེ་སྐད་གསུང་ན་ནི། སེམས་ཅན་ཐམས་ཅད་ལ་སྒྲ་ཅན་ཟིན་བཞིན་དུ་གཟིགས་པའང་མ་ལགས
94b3 ཏེའུ་དང་ཙན་དན་ལྟ་བུ་ཞེས་བགྱི་བའི་མིང་ཡང་ཀླག་པར་འགྱུར་ན། དམ་པའི་ཆོས་སུན་འབྱིན་པའི་རྣམས་ཇི་ལྟར་ཚར་གཅོད་པའི་རིགས་ལགས། དེ་བཞིན་གཤེགས་པས་དེ་ལྟར་བགྱིད་དུ་སྩལ་བའི
94b4 མི་རིགས་སོ། ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་ཆེན་པོ་དང་རུས་གཅིག་པ། དཔེར་ན་ཁྱིམ་བདག་གམ། ཚོང་དཔོན་ནམ། སྡེ་དཔོན་ནམ། བློན་པོ་འམ
94b5 རྒྱལ་པོའང་རུང་བ་ཞིག་གིས་རང་གི་བུ་སྡུག་ཅིང་འཕངས་ལ། མཆོག་ཏུ་མཛེས་ཤིང་། བྱང་གཟུགས་ཕུན་སུམ་ཚོགས་པ་རྣམས་སློབ་དཔོན་གྱི་ལག་ཏུ་གཏད་ནས། སློབ་དཔོན་དེ་ལ་འདི་སྐད་ཅེས
94b6 སྨྲས་ཏེ། བདག་གི་བུ་འདི་རྣམས་འདུལ་བ་དང་། ཆོ་ག་དང་། སྤྱོད་ཡུལ་དང་། རིག་པ་རྣམས་བསླབ་པའི་ཕྱིར་ཁྱོད་ལ་གཏུད་ཀྱིས།། འདི་རྣམས་ཁྱོད་ཀྱིས་འདུལ་བ་དང་། ཆོ་ག་དང་། སྤྱོད་ཡུལ
94b7 དང་། རིག་པ་རྣམས་སློབས་ཤིག། ཚོགས་ཤིག། གལ་ཏེ་བདག་གི་བུ་འདི་བཞི་ལས། གསུམ་ནི་བརྡེག་པ་དང་། བསྡིགས་པ་དང་། ཚར་བཅད་པ་རྣམས་ཀྱིས་ཤི་བར་གྱུར་ལ། གཅིག
iiif viewer powered by OpenSeadragon
