| e-texts navigator |
| Wylie |
94a1 འབྱིན་པ་རླག་པར་བྱེད་པ་དེ་བཞིན་དུ། ང་ནི་བརླག་པར་བྱ་ཞེས་མི་ཟེར་མོད་ཀྱི། དེ་དག་ཉིད་ཀྱི་ཆོས་མ་ཡིན་པའི་འབྲས་བུ་མངོན་སུམ་དུ་སྨིན་པར་ཟད་དོ།། དེ་བཞིན
94a2 གཤེགས་པ་ཐམས་ཅད་མཁྱེན་པ་ནི། དེ་རྣམས་ཀྱི་དོན་དུ་མི་འཇིགས་པ་སྦྱིན་ཞིང་། འོད་ཟེར་གཅིག་གམ། གཉིས་གཏོང་བར་མཛད་དེ། གལ་ཏེ་འོད་ཟེར་དེས་དེ་དག་ལ་ཕོག་ན་ནི་འཆི་བར
94a3 འགྱུར་ཏེ། དེར་དེ་བཞིན་གཤེགས་པས་ཅི་བྱར་ཡང་མེད་དོ།། རིགས་ཀྱི་བུ་གཞན་ཡང་གལ་ཏེ་ཁྱོད་ཀྱིས་བརྟག་དཀའ་བ་ལྟ་བར་ནུས་པ་བལྟ་ནས། ངས་ཁྱོད་ལ་རྒྱུ་གཞན་ཡང་བསྟན་པར་བྱ་སྟེ། ཡུལ
94a4 སོ་སོ་ན་ཚུལ་ཁྲིམས་དང་། ཆོ་ག་དང་། ཡོན་ཏན་རྣམས་ཐ་དད་པ་ཡོད་ལ། དེར་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་འོག་ཏུ། དགེ་སློང་དག་དམ་པའི་ཆོས་ཁོལ་དུ་འབྱིན་པར
94a5 འདོད་པ་ལ། རྒྱལ་པོས་སྟོན་པ་མེད་པའི་ཕྱིར་གནོད་པ་བྱེད་པ་ལས། རྒྱལ་པོ་ང་རྒྱལ་པོ་གཞན་གྱིས་བཟློག་སྟེ། དེས་མཐུ་ཆུང་བར་བྱས་ནས་རྒྱལ་པོ་དེ་ཆོས་ལ་གནས་པར་གྱུར་ན། རྒྱལ་པོ་ཅིག
94a6 ཤོས་དེ་ལ་བསོད་ནམས་ཆེན་པོར་འགྱུར་ཞེས་ང་སྨྲའོ། ། དེ་ཅིའི་ཕྱིར་ཞེ་ན། རྒྱལ་པོ་ཅིག་ཤོས་ཀྱི་ཉེས་པ་ཆེན་པོའི་གཞི་ཞི་བར་བྱེད་པའི་ཕྱིར་རོ།། རིགས་ཀྱི་བུ་གཞན་ཡང་དཔེར་ན་ཞིང་ངམ་ཁྱིམ་དུ
94a7 དུག་ཤིང་ངམ། སྟེ་ལོང་སྐྱེས་ན། རྩ་ནས་དབྱུང་དགོས་པ་དེ་བཞིན་དུ། ཚུལ་ཁྲིམས་འཆལ་པ་རྣམས་དང་། དམ་པའི་ཆོས་སུན་འབྱིན་པ་རྣམས་བྲན་བཞིན་དུ་ཚར་བཅད་པར་ངས་གནང་ངོ་།། གང
iiif viewer powered by OpenSeadragon
