| e-texts navigator |
| Wylie |
92b1 བདག་གིས་ཀྱང་ཆོས་བཀའ་སྩལ་པ་ཡང་དག་པར་བླང་བར་འཚལ་ན། ཤེས་རབ་རྒྱ་ཆེ་བ་བསྐྱེད་པའི་སླད་དུ། བཅོམ་ལྡན་འདས་ཀྱིས་བཀའ་སྩལ་དུ་གསོལ། བཅོམ་ལྡན་འདས་ཀྱིས་མཚུད་པ་མེད།
92b2 པ་ཡོངས་སུ་བཤད་དུ་གསོལ། བདག་ཞུ་བར་འཚལ་ལོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཉོན་ཅིག། ལས་གང་གིས་ཀྱང་བྱང་ཆུབ་སེམས་དཔའ་ཆེན་པོ་ཆེ
92b3 རིང་བར་གྱུར་པ་དང་། ལས་གང་གིས་བྱང་ཆུབ་ཀྱི་རྒྱུར་འགྱུར་བ་དེ། གཟུང་བའི་སེམས་ཀྱིས་ཉོན་ཅིག་དང་། ལས་ཀྱི་འབྲས་བུ་དེས་ན། བྱང་ཆུབ་ཀྱི་རྒྱུ་སྐྱེ་བར་འགྱུར་རོ།། ཐོས་ནས་ཀྱང་གཞན་དག།
92b4 ལ་སྟོན་ཅིག། རིགས་ཀྱི་བུ་ངས་ཀྱང་ལས་དེ་བྱས་ཤིང་། གཞན་དག་ལའང་བསྟན་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་གྱུར་ཏོ།། རིགས་ཀྱི་བུ་དཔེར་ན་མི་ལ་ལ་ཞིག
92b5 བུ་གཅིག་པ་ཐར་པར་བྱ་བའི་ཕྱིར། རྒྱལ་པོའི་བཙོན་རའི་ནང་དུ་འགྲོ་བ་དེ་བཞིན་དུ། བྱང་ཆུབ་སེམས་དཔའ་ཚེ་རིང་བར་འདོད་པས་ཀྱང་། སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ
92b6 པར་བྱའོ། ། དེ་ལྟར་བསྒོམས་ན། འཚེ་བ་ཐམས་ཅད་སྤོང་བར་འགྱུར་ལ། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་ལྡན་པར་འགྱུར་ཞིང
92b7 སྲོག་གཅོད་པ་སྤོང་བར་འགྱུར་བ་དང་། ཆོས་སྤྱོད་པར་འགྱུར་རོ།། རིགས་ཀྱི་བུ་གཞན་ཡང་སེམས་ཅན་དཔག་ཏུ་མེད་པ་དག་བསླབ་པའི་གཞི་ལ་འགོད་པར་འགྱུར། དགེ་བ་བཅུའི་ལས་ཀྱི་ལམ་ལའ
iiif viewer powered by OpenSeadragon
