| e-texts navigator |
| Wylie |
91b1 དང་ལྡན། ། དེ་དག་འཇིག་རྟེན་དམུས་ལོང་གི། མིག་དང་འདྲ་བར་ཇི་ལྟར་འགྱུར།། ཐུབ་པ་ཆེན་པོ་ཇི་ལྟར་ན།། མགོ་མང་བྱེ་བ་སྟོན་པར་འགྱུར།། ཇི་ལྟར་ཟླ་བ་ཆོས་འདྲ་བར།། འཇིག་རྟེན་ནམ
91b2 ལ་ཆོས་ཀྱང་སྟོན། ། ཇི་ལྟ་བུར་ནི་གཞའ་གསང་དུ།། ཡོངས་སུ་མྱ་ངན་འདས་པ་སྟོན།། ཇི་ལྟར་ལྷ་དང་བདུད་འདྲ་བར།། བརྟན་པར་འགྱུར་ཞིང་དཔའ་བར་འགྱུར།། ཇི་ལྟར་ཆོས་ཀྱི་སྒོ་རྟོགས
91b3 ནས། ཆོས་ཉིད་ཀྱང་ནི་འཚལ་བར་འགྱུར།། ཇི་ལྟར་བྱང་ཆུབ་སེམས་དཔའ་རྣམས།། ནད་མེད་པར་ཡང་འགྱུར་བ་ལགས།། སེམས་ཅན་ཀུན་ལ་སྨན་པའི་ཕྱིར།། དེ་དག་ཇི་ལྟར་དགོངས
91b4 པ་འཆད། ། ཇི་ལྟར་དགེ་བ་ལྷག་མར་བཅས།། ཇི་ལྟར་ཐེ་ཙོམ་སྤོང་བར་འགྱུར།། བློ་གྲོས་ཆེན་པོ་ཇི་ལྟར་ན།། བྱང་ཆུབ་མཆོག་ཏུ་ཉེ་བར་འགྱུར།། ཆེ་ཕྲ་གཟིགས་པ་ཁྱོད་ཉིད་ཀྱིས།། བྱུང
91b5 ཆུབ་སེམས་དཔའི་སྤྱོད་པ་གསུངས། ། ཆོས་རྣམས་དུ་མའི་སྒོ་དག་ཀྱང་།། འདྲེན་པ་ཁྱོད་ཀྱིས་བཀའ་སྩོལ་ཅིག། སེམས་ཅན་ཀུན་གྱི་སྨན་པའོ།། རྐང་གཉིས་རྣམས་ལ་སྨན་སྟོན་ཅིག།
91b6 ཐུབ་པ་ཕུང་པོ་འདི་དག་ལས།། བདག་གིས་ཞུ་བའི་ཡུལ་མ་མཆིས།། བྱང་ཆུབ་སེམས་དཔའ་བརྟན་རྣམས་ཀྱིས།། ཡུལ་ནི་ཐམས་ཅད་མཁྱེན་པ་ལགས།། དེ་ནས
91b7 བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་བྲམ་ཟེའི་རིགས་ཆེ་ཞིང་མཐོ་བའི་བུ། འོད་སྲུངས་ཆེན་པོ་དང་རུས་གཅིག་པལ་འདི་སྐད་ཅེས་བཀའ་སྩལ་ཏོ།། རིགས
iiif viewer powered by OpenSeadragon
