| e-texts navigator |
| Wylie |
90b1 ཅན་ཐམས་ཅད་ཀྱི་དགེ་བའི་རྩ་བའི་མཐུས་བདག་གིས་ཞུ་བར་ནི་འཚལ་ན། བདག་ནི་སྦྲང་བུ་དང་འདྲ་ལ། དེ་བཞིན་གཤེགས་པ་ནི་ཙན་དན་ལྟ་བུའི་འཁོར་ཆེན་པོ་མངའ་བ་ལགས། སེང་གེ་ལྟ་བུའི་འཁོར།
90b2 ཆེན་པོ་དང་ལྡན་པ་ལགས། བཻ་ཌཱུཪྻ་དང་རྡོ་རྗེ་ཆེན་པོ་ལྟར་མི་ཕྱེད་པའི་སྐུ་མངའ་བ་ལགས། མི་ཕྱེད་པའི་འཁོར་དང་ལྡན་པ་ལགས། ཡེ་ཤེས་རྒྱ་མཚོ་དང་ལྡན་པའི་འཁོར་ཆེན་པོ་མངའ་བ་ལགས། བྱང
90b3 ཆུབ་སེམས་དཔའ་སེམས་དཔའ་ཆེན་པོ་ཁ་ཅིག་ཡོན་ཏན་དཔག་ཏུ་མ་མཆིས་པ་དང་ལྡན་པ་དག་ཀྱང་མཆིས་ཏེ། དེ་ལྟར་དཔག་ཏུ་མ་མཆིས་པའི་འཁོར་མངའ་བའི་དེ་བཞིན་གཤེགས་པ་ལ། དེ་བཞིན་གཤེགས
90b4 པའི་མཐུས་བདག་གིས་ཞུ་བའི་རྔོ་ཐོགས་པར་གྱུར་ན། འདིར་བགྱི་བ་མང་དུ་མཆིས་ཏེ། དེ་བཞིན་གཤེགས་པའི་མཐུས་བདག་སྦྲང་བུ་དང་འདྲ་བས་ཞུ་བར་འཚལ་ལོ་ཞེས་བྱས་ནས། ཚིགས་སུ་བཅད
90b5 དེ་གསོལ་པ། ཐུབ་པ་ཅིས་ན་ཚེ་རིང་འགྱུར།། རྡོ་རྗེ་ལྟ་བུར་ཅིས་འགྱུར་ལགས།། གང་གིས་མི་ཤིགས་ཐོབ་པར་འགྱུར།། ཅི་ནས་ལུས་བརྟན་སྟོབས་ཆེན་འགྱུར།། ཇི་ལྟར་གྱིས་ན་མདོ་སྡེ་འདིའི།
90b6 ཕ་རོལ་ཕྱིན་པར་འགྱུར་བ་ལགས།། ཇི་ལྟར་སྲོག་ཆགས་རྣམས་ཀྱི་སེམས།། སྣ་ཚོགས་རྟོགས་ནས་སྟོན་པར་འགྱུར།། ཐུབ་པ་ཆེན་པོ་ཇི་ལྟར་ན།། རྒྱལ་ཆེན་ཐོབ་ནས་སྐྱབས་སུ་འགྱུར།། ཇི་ལྟར
90b7 དགྲ་བཅོམ་མ་ལགས་ཀྱང་། ། དགྲ་བཅོམ་རྣམས་དང་མཚུངས་པར་འགྱུར།། བཅོམ་ལྡན་ཇི་ལྟར་བགེགས་བགྱིད་པའི།། བདུད་ནི་ཁོང་དུ་ཆུད་པར་འགྱུར།། བདུད་ཀྱི་ཚིག་ཀྱང་འཚལ་བ་དང་།
iiif viewer powered by OpenSeadragon
