| e-texts navigator |
| Wylie |
87a1 འཚལ་ལོ། དེ་ནས་རྒྱལ་པོ་ངས། སྨན་པ་དེ་ལ་བཀའ་སྩལ་པ། ཅི་ཁྱོད་མཁྲིས་པས་མོངས་པར་བྱས་སམ། འོན་ཏེང་སླུ་བར་བྱེད་དམ་ཅན། སྔར་ནི་འོམ་དྲུག
87a2 ཡིན་ཞེས་ཟེར་ལ། ད་ནི་འོ་མ་སྨན་གྱི་མཆོག་ཡིན་ནོ་ཞེས་ཟེར། ཀྱེ་མ་སྨན་པ་སྔ་མ་བསྐྲད་པས་ཕུང་ངོ་།། དེས་ཀྱང་འོ་མོའི་དཔྱད་བསྔགས་པ་ལས་ན། དེ་ནི་སྨན་པ་ཆེན་པོ་ཡིན་གྱིས། སྨན་པ་ངན་པ་མ་ཡིན་ནོ།། ཁྱོད་ཀྱིས
87a3 མམིའི་དབྱང་བྱས་པ་ནི་ཁྱོད་བདག་བསྐྲད་པའི་རྒྱུ་ཡིན་ནོ་ཞེས་བྱའོ། ། སྤྱན་པས་གསོལ་པ། རྒྱལ་པོ་ཆེན་པོ་དེ་ལྟར་གཞན་དུ་མི་དགོངས་པར་གསོལ། དཔེར་ན་ཤིང་ངམ་རྩིག་པ་སྲིན་བུས་བརྐོས་ཏེ། རིགེའི་འབྲུ་འདྲ་བར་མཐོང
87a4 ཡང་། མཁས་པ་རྣམས་ཀྱིས་སྲིན་བུས་ཡི་གེ་ཤེས་སོ་ཞེས་བརྗོད་པར་མི་བགྱི། ཡི་གེ་སྦྱར་བ་ལྟ་བུར་གྱུར་ཀྱང་། ཡ་མཚན་དུ་གཟུང་བར་མི་བགྱི་བ་དེ་བཞིན་དུ། ཁྱོད་ཀྱི་སྨན་པ་སྔ་མའི་འོ་མའི་དཔྱད་ཀྱི་ལས
87a5 ཀྱང་སྲིན་བུས་བརྐོས་པའི་ཡི་གེ་བཞིན་དུ་བལྟ་བར་བགྱིས་ཏེ། དེ་ནི་འོ་མ་སོ་སོའི་བྱེ་བྲག་ཀྱང་མ་འཚལ་བ་ལགས་སོ།། རྒྱལ་པོས། སྨན་པ་དེ་ལ་སྨྲས་པ། ཀཱ་ཡེ་སྨན་པ་ངན་པ་དེས་འོ་མ་སོ་སོའི་བྱེ་བྲག་ཇི་ལྟར
87a6 མི་ཤེས། སྨན་པས་གསོལ་པ། རྒྱལ་པོ་ཆེན་པོ་འོ་མ་ནི་བདུད་རྩི་ཡང་ལགས། དུག་ཀྱང་ལགས་ཏེ། དེ་ལ་བདུད་རྩི་ཞེས་བགྱི་བ་ནི། བ་གང་བེའུ་ཧ་ཅང་སྟོབས་དང་ལྡན་པ་མ་ལགས་པ་དང་། ཆང་གི
87a7 སྙིགས་མ་མི་འཐུང་བ་དང་། ནགས་ཁུང་དང་། གཤོང་དང་། ཆུ་འདམ་རྫ་བ་ཅན་ན་མི་གནས་པ་དང་། བ་ལང་རྫིས་ནུ་མ་མ་བཞིངས་པ་དང་། རྩ་བརྔས་པ་མ་གསན་པ་དང་། རང་གི་བླུན་འདུག་པ་དང
iiif viewer powered by OpenSeadragon
