| e-texts navigator |
| Wylie |
86b1 བར་མ་ཆུད་ཀྱིས། རྒྱལ་པོ་ཁྱོད་ཀྱི་ཡུལ་ཁམས་ཐམས་ཅད་དུ་བཀའ་བཏགས་ལ། སྔོན་གྱི་སྨན་པ་དེའི་འོ་མའི་དཔྱད་གང་ཡིན་པ་དེ་ནི་དུག་ཧ་ལ་ཧ་ལ་ཡིན་གྱིས། སུ་སྨན་དུ་འོ་མ་འཐུང་བ་དེ་མགོ་བོ་བཅད་དོ་ཞེས
86b2 བཀའ་གདགས་པར་གསོལ། དེ་ལྟར་མ་བགྱིས་ན་སེམས་ཅན་རྣམས་དུས་མ་ཡིན་པའི་འཆི་བས་འཆི་བར་འགྱུར་རོ།། བདག་ནི་འཚོ་བར་འགྱུར་བ་དང་། ནད་མ་མཆིས་པར་འགྱུར་བར་འཚལ་ཏེ། ལྷ་བདག
86b3 ནི་གསོལ་བ་དེ་འཚལ་ལགས་སོ། ། དེ་ནས་རྒྱལ་པོས། སྨན་པ་དེ་ལ་བཀའ་སྩལ་པ། དེ་ལྟར་ན་གསོལ་བ་ཆུང་ངུ་ཞིག་གསོལ་ཏེ། བཀའ་གདགས་པར་བྱའོ་ཞེས་བྱས་ནས། བཀའ་ཡང
86b4 བཏགས་སོ། ། དེ་ནས་བཀའ་བཏགས་པ་བཞིན་དུ། ཐམས་ཅད་དུ་ལུགས་སུ་ཆུད་པར་གྱུར་ཏོ།། དེ་ནས་སྨན་པ་དེས། རྒྱལ་པོ་དེ་ལ་ཡང་འདི་སྐད་ཅེས་གསོལ་ཏེ། ད་དུང་ཡང་ལན་གཉིས
86b5 ལན་གསུམ་གྱི་བར་དུ། དེ་བཞིན་དུ་བཀའ་གདགས་པར་གསོལ་ཞེས་བྱས་ནས། སྨན་པ་དེས་རོ་མངར་པ་དང་། སྒྱུར་བ་དང་། ལན་ཚྭའི་རོ་དང་། ཚ་བ་དང་། བསྐ་བ་དང་། ཁ་བ་རྣམས་ཀྱིས་མི་རྣམས
86b6 ཀྱི་ནང་སོས་པར་བྱས་སོ། ། དེ་ནས་རེ་ཞིག་ན་རྒྱལ་པོ་ནད་ཀྱིས་ཐེབས་ནས། སྨན་པ་དེ་བཀུག་སྟེ་བསྒོ་བ། ང་ནི་ཤི་ལ་ཐུག་གིས་རྒྱལ་པོའི་རྐྱེན་དང་འཚལ་བའི་གསོལ་པ་ཅི་འདོད་པ་ཁྱོད་ལ་སྦྱིན་ནོ་ཞེས་བྱས་སོ།།
86b7 དེ་ནས་སྨན་པ་དེས། རྒྱལ་པོ་དེ་ལ་གསོལ་པ། རྒྱལ་པོ་ཆེན་པོ་བདག་ནི་བརྫུན་དུ་སྨྲ་བ་མ་ལགས་སོ།། འོ་མ་ནི་བདུད་རྩི་ལགས་ཏེ། ཁྱོད་ཀྱིས་ཞལ་ཟས་འོ་མ་དང་སྦྱར་བ་གསོལ
iiif viewer powered by OpenSeadragon
