| e-texts navigator |
| Wylie |
86a1 གི་མཁན་པོ་མཛད་དུ་གསོལ། དེ་ནས་སྨན་པ་འཆལ་པ་དེས་དེ་སྐད་ཅེས་ཐོས་ནས། སྨན་པ་གསར་དུ་འོངས་པ་དེ་ལ་སྨྲས་པ། ལོ་བཞི་བཅུ་རྩ་བརྒྱད་ཀྱི་བར
86a2 དུ་ང་ལ་ལེགས་པར་བསྒོམས་ཏེ། དཀའ་བ་སྤྱད་པས་རིམ་གྲོ་བགྱིས་ལ། དེའི་འོག་ཏུ་སློབས་ཤིག་དང་། ཁྱོད་སྨན་པར་འགྱུར་རོ།། དེ་ནས་དེས་དེ་བཞིན་དུ་མཉན་ཏེ། དེ་ལྟར་བགྱིའོ་ཞེས་བྱས་ནས
86a3 དེས་མཐར་གྱིས་སྨན་པ་འཆལ་པ་དེ་མགུ་བར་བྱས་ཏེ། རྒྱལ་པོའི་ཕོ་བྲང་དུ་སོང་ནས། རྒྱལ་པོ་དེ་ལ་འདི་སྐད་ཅེས་གསོལ་ཏེ། རྒྱལ་པོ་ཆེན་པོ་ཁྱོད་ཀྱིས་རྟག་ཏུ་བསྟན་ཆོས་ཐམས་ཅད་ལ་བརྩོན་པར་མཛོད
86a4 ཅིག་དང་། དེ་ལྟར་མཛད་ན་རྒྱལ་པོ་རྒྱལ་པོར་འོས་པར་འགྱུར་རོ།། རྒྱལ་པོས་ཀྱང་དེ་ནི་བདེན་ཏེ་རྣར་འོང་ངོ་ཞེས་བྱས་ནས། རྒྱལ་པོ་དེས་སྨན་པ་འཆལ་པ་དེ་དང་སྨན་པ་ཅིག་ཤོས་ཀྱི་བྱེ་བྲག་ཕྱེད་པར་གྱུར་ནས
86a5 སྨན་པ་ངན་པ་དེ་ཡུལ་ཕྱོགས་ནས་བསྐྲད་དེ། སྨན་པ་བཟང་པོ་ཅིག་ཤོས་བཀུར་བར་གྱུར་ལ། དེ་ནས་སྨན་པ་དེས་ད་ནི་དུས་ལ་བབ་བོ་སྙམ་ནས། རྒྱལ་པོ་ལ་འདི་སྐད་ཅེས་གསོལ་ཏེ། རྒྱལ་པོ་ཆེན་པོ་གལ
86a6 ཏེ་བདག་ལ་མཉེས་པར་གྱུར་ན། གསོལ་བ་སྣ་གཅིག་ཅིག་གསོལ་གྱིས། གལ་ཏེ་རྒྱལ་པོ་ཆེན་པོ་ཡང་དགྱེས་པར་ལྟན་གནང་བར་མཛད་དུ་གསོལ། རྒྱལ་པོས། སྨན་པ་ལ་བཀའ་སྩལ་པ། ངའི་ལག
86a7 པ་གཡས་པ་མན་ཆད་ནོར་རོ་ཅོག་ལས་གསོལ་ཅིག། སྨན་པས། རྒྱལ་པོ་ལ་གསོལ་པ། རྒྱལ་པོ་ཆེན་པོའི་སྨན་པ་འཆལ་པ་དེའི་འོ་མའི་དཔྱད་གང་ལག་པ་དེ་ནི། དུག་ཧ་ལ་ཧ་ལ་ལགས་ན། དེས་གླེ
iiif viewer powered by OpenSeadragon
