| e-texts navigator |
| Wylie |
84a1 ཕྱིན་ཅི་ལོག་པའོ། ། བདག་ཡོད་པ་ལ་བདག་མེད་པར་འདུ་ཤེས་པ་ནི་ཕྱིན་ཅི་ལོག་པའོ།། མི་སྡུག་པ་ལ་སྡུག་གོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ།། སྡུག་པ་ལ་མི་སྡུ
84a2 གོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པ་སྟེ་ཕྱིན་ཅི་ལོག་བཞི་པོ་འདི་དག་ཡང་དག་པར་མ་ཤེས་པར་ཁྱེད་ཀྱིས་བསྒོམ་པར་བྱ་བ་བསྒོམས་ཏེ་མང་དུ་བྱས་སོ། ། ཁྱེད་ཀྱིས་བདེ་བ་ལ་སྡུག་བསྔལ་བར་བསྒོམས་སོ།།
84a3 རྟག་པ་ལ་མི་རྟག་པ་དང་། བདག་ཡོད་པ་ལ་བདག་མེད་པ་དང་། སྡུག་པ་ལ་མི་སྡུག་པར་བསྒོམས་སོ།། འཇིག་རྟེན་པ་རྣམས་ལ་ཡང་བདེ་བ་དང་། བདག་དང་། རྟག་པ་དང་། སྡུག་པ་རྣམས་ཡོད་དོ།། འཇིག
84a4 རྟེན་ལས་འདས་པ་རྣམས་ལ་ཡང་བདེ་བ་དང་། བདག་དང་། རྟག་པ་དང་། སྡུག་པ་རྣམས་ཡོད་དོ།། འདི་ལ་ཕན་ཚུན་མི་མཐུན་པ་ཡོད་དོ།། ཡི་གེ་ཞེས་བྱ་བ་ནི་འཇིག་རྟེན་པ་ཞེས་བྱའི་ཐ་ཚིག་གོ།། དོན་ཅེས་བྱ་བ་ནི་འཇིག་རྟེན་ལས
84a5 འདས་པའི་ཡེ་ཤེས་སོ། ། དེ་ནས་བཅོམ་ལྡན་འདས་ལ། དགེ་སློང་རྣམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འདུ་ཤེས་བཞི་ལ་སོགས་པ་ཕྱིན་ཅི་ལོག་དེ་བཞིན་གཤེགས
84a6 པས་ལུགས་སུ་བཞགས་པ་རྣམས་ནི། བདག་ཅག་གིས་ཡུན་རིང་མོ་ཞིག་ནས་མཐོང་ཡང་མཐོང་། བསྒོམ་ཡང་བསྒོམས་ལགས་ན། ད་ཇི་ལྟར་འཚལ་བ་བཀའ་སྩལ་དུ་གསོལ། དེ་བཞིན་གཤེགས
84a7 པ་བསྐལ་པ་འམ། བསྐལ་པ་ལས་ལྷག་པར་ཡང་བཞུགས་སུ་གསོལ། དེ་བཞིན་གཤེགས་པས་ཅི་དང་ཇི་སྐད་དུ་བཀའ་སྩལ་པ་དེ་དང་དེ་བཞིན་དུ་བདག་ཅག་གིས་བགྱི་བར་འཚལ་ལོ།། གལ་ཏེ
iiif viewer powered by OpenSeadragon
