| e-texts navigator |
| Wylie |
83b1 ཚིགས་སུ་བཅད་པའི་དོན་འདི་ལ། དོན་ནི་འདིའོ།། ཡི་གེ་ནི་འདིའོ་ཞེས་གསལ་བར་མི་ཤེས་ཏེ། ཇི་ལྟར་མི་ར་རོ་བས་ལྷ་ཁང་དང་། སྤོ་དང་། ས་གནི་དང་། ཉི་མ་དང་། ཟླ་བ་དང་། ཤིང་དང་། རི་རྣམ།
83b2 མི་འཁོར་བཞིན་དུ་འཁོར་བར་མཐོང་བ་དེ་བཞིན་དུ། འདུ་ཤེས་ཕྱིན་ཅི་ལོག་དུ་མས་ཟིན་ཅིང་། ཀུན་ཏུ་རྨོངས་པ་རྣམས་བདག་གོ་སྙམ་པ་དང་། རྟག་གོ་སྙམ་པ་དང་། བདེའོ་སྙམ་པ་དང་། སྡུག་གོ་སྙམ་པའི
83b3 འདུ་ཤེས་ཀུན་ཏུ་སྤྱོད་དོ། ། དེ་ལ་བདག་ཅེས་བྱ་བ་ནི་སངས་རྒྱས་ཞེས་བྱ་བའི་དོན་ཏོ།། རྟག་ཅེས་བྱ་བ་ནི་ཆོས་ཀྱི་སྐུ་ཞེས་བྱ་བའི་དོན་ཏོ།། བདེ་ཞེས་བྱ་བ་ནི་མྱ་ངན་ལས་འདས་པ་ཞེས་བྱ་བའི་དོན་ཏོ།། སྡུག་ཅེས་བྱ
83b4 བ་ནི་ཆོས་ཀྱི་ཆོག་བླ་དག་སོ། ། དགེ་སློང་དག་ཁྱེད་ཀྱིས་བཅོམ་ལྡན་འདས་བདག་ཅག་གིས་ནི། སྡུག་བསྔལ་དང་། མི་རྟག་པ་དང་། བདག་མེད་པའི་འདུ་ཤེས་སྒོམས་ལགས་སོ་ཞེས། རྒྱགས་པ་དང་ང་རྒྱལ
83b5 གྱིས་དྲེགས་པར་མ་བྱེད་ཅིག། དེ་ལྟར་རྣམ་པ་གསུམ་བསྒོམས་པར་གྱུར་ན་ནི། ངའི་བསྟན་པ་ལ་ཁྱེད་ཀྱིས་བསྒོམ་པ་རྣམ་པ་གསུམ་བསྒོམས་པ་དེ། བསྒོམ་པ་དོན་མེད་པར་འགྱུར་རོ།། སྡུག་བསྔལ་ཤེས
83b6 པར་བྱ་བ་སྒོམ་པ་རྣམ་པ་གསུམ་ནི། ཁྱད་པར་དང་། ཁྱད་པར་གྱི་ཡང་ཁྱད་པར་རོ།། སྡུག་བསྔལ་ལ་བདེའོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ།། བདེ་བ་ལ་སྡུག་བསྔལ་ལོ་སྙམ་དུ་འདུ་ཤེས་པ་ནི
83b7 ཕྱིན་ཅི་ལོག་པའོ། ། མི་རྟག་པ་ལ་རྟག་གོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ།། རྟག་པ་ལ་མི་རྟག་པའོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ།། བདག་མེད་པ་ལ་བདག་ཏུ་འདུ་ཤེས་པ་ནི
iiif viewer powered by OpenSeadragon
