| e-texts navigator |
| Wylie |
82b1 ཁ་ཅིར་ཡང་མི་རུང་བར་ཤས་ཆེར་བསྒོམས་ཏེ་སྤོང་བར་བགྱིད་པ་དེ་བཞིན་དུ། བཅོམ་ལྡན་འདས་འཚོ་བའི་འཇིག་རྟེན་འདི་ནི་ཟློས་གར་མཁན་བཞིན་དུ་ཐོག་མ་མ་མཆིས་པ་ནས། འཁོར་ན་འཁོར་ཞིང་ཡོད
82b2 སུ་འཁྱམ་པ་ན། འདི་ནི་བདག་གི་མའོ།། འདི་ནི་བདག་གི་སྲིང་མོའོ།། འདི་ནི་བདག་གི་བུ་མོའོ་སྙམ་དུ་མ་འཚལ་ནས། མ་དང་། སྲིང་མོ་དང་། བུ་མོ་རྣམས་དང་། ལྷན་ཅིག་ཏུ་འདོད་པའི་འདུ
82b3 ཤེས་སྤྱོད་པར་བགྱིད་དེ། འབྲས་སྐྱེམ་ཀྱིས་ར་རོ་བར་གྱུར་པ་དེ་བཞིན་དུ། སྡུག་བསྔལ་རྙེད་པར་འགྱུར་ལ། དེ་ནས་ངོ་ཚ་ཤེས་པའི་མི་དེ་དག་འབྲས་སྐྱེམས་ཀྱིས་ར་རོ་བ་ལས་སངས་པ་བཞིན་དུ། ཅིར་ཡང
82b4 མི་རུང་བར་ཤས་ཆེར་བསྒོམས་ནས། སྡུག་བསྔལ་ལས་ཡང་དག་པར་འདའ་བར་འགྱུར་ལགས་སོ།། གཞན་ཡང་ཨེ་རན་ད་ལ་ནི་སྙིང་པོ་མཆིས་མི་སྲིད་པ་དེ་བཞིན་དུ། ལུས་འདི་ལ་ཡང་བ་དག་དང
82b5 སེམས་ཅན་དང་། སྲོག་དང་། གང་ཟག་དང་། ཤེད་ལས་སྐྱེས་པ་དང་། ཤེད་བུ་དང་། བྱེད་པ་པོ་མཆིས་མི་སྲིད་དེ། དེ་ལྟ་བུར་བདག་ཅག་གིས་བདག་མ་མཆིས་པའི་འདུ་ཤེས་པསྒོམས་ཏེ
82b6 མང་དུ་བགྱིས་ལགས་སོ། ། དཔེར་གསོལ་ན། ཕུབ་མ་སྨོན་པ་བྱེ་མ་སྙེད་བོར་བ་ནི་ཅིར་ཡང་མི་གཅེས་པ་དེ་བཞིན་དུ། ལུས་འདི་ལ་ཡང་བདག་མ་མཆིས་སོ།། དཔེར་གསོལ་ན། ཁ་སྲལ་གྱིས
82b7 ཏོག་ལ་དྲི་གདའ་བ་མ་མཆིས་པ་དེ་བཞིན་དུ། ལུས་འདི་ལ་ཡང་བདག་མ་མཆིས་ཏེ། དེ་ལྟར་བདག་ཅག་གིས་བདག་མ་མཆིས་པའི་འདུ་ཤེས་བསྒོམས་ཏེ། མང་དུ་བགྱིས་ལགས་སོ།། བཅོམ་ལྡན་འདྲ།
iiif viewer powered by OpenSeadragon
