| e-texts navigator |
| Wylie |
81b1 དག་པར་ཟད་པར་འགྱུར་རོ། ། ཞིང་ལས་ཐམས་ཅད་ཀྱི་ནང་ན་ནི་སྟོན་གྱི་ཞིང་ལས་མཆོག་ཏུ་བསྟན་ཏོ་ཞེས་བྱ་བ་ལ་སོགས་པ་གླང་པོ་ཆེའི་རྗེས་ལྟ་བུའི་མདོ་ལས་འབྱུང་བ་བཞིན་དུ་རྒྱས་པར་སྦྱར་རོ།།
81b2 བཅོམ་ལྡན་འདས་དཔེར་གསོལ་ན། རྒྱལ་པོ་འཆི་བའི་ཚེ། བདག་གིས་བཙོན་ར་བསལ་ཏེ། སེམས་ཅན་རྣམས་བཙོན་རའི་གནོད་པས་ཉོན་མོངས་པ་ལས་ཐར་པར་བགྱིས་ནས
81b3 དེའི་འོག་ཏུ་འཆི་བར་བགྱིད་པ་དེ་བཞིན་དུ། བཅོམ་ལྡན་འདས་ཁྱོད་ཀྱིས་ཀྱང་། སེམས་ཅན་མི་ཤེས་པ་རྣམ་པ་སྣ་ཚོགས་ཀྱི་བཙོན་རར་བྲུབས་པ་རྣམས་ཀྱི་མི་ཤེས་པའི་འཆིང་བ་རྣམས་བཅད་ནས
81b4 དེའི་འོག་ཏུ་ཡོངས་སུ་མྱ་ངན་ལས་འདའ་བར་གཤེགས་སུ་གསོལ། བཅོམ་ལྡན་འདས་གཞན་ཡང་དཔེར་གསོལ་ན། སེམས་ཅན་འབྱུང་པོ་དང་ཤ་ཟའི་གདོན་གྱིས་བརླམས་པ་ལས། སྨན་ཆེན་པོ་དང
81b5 ཕྲད་ན། འབྱུང་པོ་དང་ཤ་ཟའི་གདོན་རྣམས་ཀྱིས་ཐེབས་པ་ཐམས་ཅད་ལས་ཐར་པར་འགྱུར་བ་དེ་བཞིན་དུ། ཁྱོད་དང་མཇལ་ན་ཉན་ཐོས་ཀྱི་ཚོགས་ཐམས་ཅད་མི་ཤེས་པ་རྣམ་པ་སྣ་ཚོགས་ཀྱི་འབྱུང་པོ
81b6 དང་། ཤ་ཟའི་གདོན་རྣམས་ལས་ཡོངས་སུ་ཐར་པར་འགྱུར་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཁོང་དུ་ཆུད་པར་བགྱིད་ལགས་སོ།། བཅོམ་ལྡན་འདས་དཔེར་གསོལ་ན། གླང་པོ་ཆེའི་འདུལ་སྦྱོང་གི
81b7 མཁན་པོས། སྤོས་ཀྱི་གླང་པོ་ཆེ་ཞགས་པ་ཆེན་པོས་བཅིངས་པ་ལས། གླང་པོ་ཆེས་ཞགས་པ་དེ་བཅད་དེ་བྲོས་པ་དེ་བཞིན་དུ། བཅོམ་ལྡན་འདས་བདག་ཅག་ཀྱང་། བདག་ཏུ་འཛིན་པ་དང་། བདག་གིར་འཛིན
iiif viewer powered by OpenSeadragon
