| e-texts navigator |
| Wylie |
80a1 @ཅ་དམྱལ་པ་རྣམས་སུ་སྡུག་བསྔལ་མྱོང་བར་འགྱུར་ལགས་ན། བཅོམ་ལྡན་འདས་ལམ་སྟོན་པ་ཡུན་རིང་དུ་བཞུགས་སུ་གསོལ། ཡ་མཚན་ཅན་དགུ་བཅུརྩ་དྲུག་དང་། ཚོགས་ས
80a2 བཅད་པ་བཞི་བཅུ་རྩ་ལྔ་ལ་ཡང་དེ་བཞིན་དུ་རྒྱས་པར་སྦྱར་རོ། ། དེ་ནས་དེའི་ཚེ་བཅོམ་ལྡན་འདས་ཀྱིས། དགེ་སློང་རྣམས་ལ་བཀར་སྩ་ལ་པ། དགེ་སློང་ཁྱེད་ལྷ་དང་མི་རྣམས་ལྟར་བྱིས་པའི
80a3 སྨྲེ་སྔགས་འདོན་པ་དག་མ་བྱེད་པར་བརྩོན་འགྲུས་རྩོམས་ཤིག། དེ་ནས་ལྷ་དང་ལྷ་མ་ཡིན་དང་མི་རྣམས་ཀྱིས་བཅོམ་ལྡན་འདས་ཀྱིས་གསུང་བློ་གྲོས་དང་། དྲན་པ་དང་། དེ་ཁོ་ན་ཉིད་དུ་འགྲོ་བ་ཐོས་ནས
80a4 ཇི་ལྟར་བུ་གཅིག་པ་ཤི་ནས་དུ་ཁྲོད་དུ་བོར་བ་བཞིན་དུ་དེ་དག་སྡུག་བསྔལ་བར་གྱུར་ཏོ། ། དེ་ནས་བཅོམ་ལྡན་འདས་ཀྱིས། དེ་དག་ལ་ཚིགས་སུ་བཅད་དེ་བཀའ་སྩལ་པ། ཁྱེད་རྣམས་ངེས་པར
80a5 བདེར་གྱུར་ཅིག། མྱ་ངན་མ་བྱེད་མ་དུ་ཞིག། འདི་ནི་སངས་རྒྱས་རྣམས་ཀྱི་ཆོས།། ཐམས་ཅད་མི་སྨྲ་འཁོད་པར་གྱིས།། བག་མེད་པར་ནི་མ་གནས་པར།། བག་ཡོད་པ་ལ་དགའ་བར་གྱིས།། ཁྱེད་སྟོང་པར
80a6 དང་སྟོང་པ་མ་ཡིན་པ་འམ། རྟག་པ་དང་མི་རྟག་པ་འམ། སྐྱབས་དང་སྐྱབས་མ་ཡིན་པ་དང་། འགྲོ་བ་དང་མི་འགྲོ་བ་འམ། རྟེན་དང་རྟེན་མ་ཡིན་པ་འམ། ཐེར་ཟུག་དང་ཐེར་ཟུག་མ་ཡིན་པ་འམ། བརྟན
80a7 པ་དང་བརྟན་པ་མ་ཡིན་པ་འམ། སེམས་ཅན་དང་སེམས་ཅན་མེད་པའམ། ཡང་དག་པ་དང་ཡང་དག་པ་མ་ཡིན་པའམ། བདེན་པ་དང་བདེན་པ་མ་ཡིན་པ་འམ། མྱ་ངན་ལས་འདས་པ་དང་མྱ་ངན་ལས
iiif viewer powered by OpenSeadragon
