| e-texts navigator |
| Wylie |
79b1 བཙོན་རར་གནོད་པའི་ལས་རྣམས་ཀྱིས། དང་པོར་ཉོན་མོངས་པ་ན། ལ་ལ་ཞིག་གིས་ཁྱོད་ཀྱི་ན་ཚ་ཇི་ལྟ་བུ་ཞིག་མྱོང་ཞེས་སྨྲས་ན། དེ་ནི་དེ་བཞིན་ཏེ། གང་གི་ཚེ་བདག་སྡུག་བསྔལ་གྱི་ཚོར་བ་ལས་ཐར་པར་འགྱུར
79b2 བདེའི་ཚེ། མྱ་ངན་ལས་འདས་པ་ཡིན་ཏེ། བདེ་བ་ཉམས་སུ་མྱོང་བར་འགྱུར་རོ་ཞེས་མཆི་བ་དེ་བཞིན་དུ། བདག་ཅག་ཐམས་ཅད་ཀྱང་ཁྱོད་བཞུགས་ན། རྒྱལ་པོའི་བཙོན་ར་ནས་ཐར་པ་བཞིན་དུ་མྱ་ངན་ལས་འདས་པ
79b3 ལགས་ན། དེའི་སླད་དུ་དེ་བཞིན་གཤེགས་པ་ཡུན་རིང་དུ་བཞུགས་སུ་གསོལ། བཅོམ་ལྡན་འདས་དཔེར་གསོལ་ན། སྨན་པ་ཚེའི་རིག་བྱེད་ཡན་ལག་བརྒྱད་པ་ལ་མཁས་པས། བདག་གི་བུ་ལ་ནི་རྒྱུད་ཕྱི་མ་སློབ
79b4 པར་བགྱིད་ཀྱི། སློབ་མ་ལ་ནི་བདག་དང་མཉམ་པར་འགྱུར་དུ་དོགས་ནས། སློབ་པར་མི་བགྱིད་པ་དེ་བཞིན་དུ། ཆོས་ཀྱི་རྒྱལ་པོ་སྨན་པ་ཆེན་པོ་སེར་སྣ་མི་མངའ་བ་ཁྱོད་ཀྱིས་ཐེག་པ་ཆེན་པོའི་རྒྱུད་ཕྱི་མ་ལ་དེ་ལྟན
79b5 མི་མཛད་པར། བཅོམ་ལྡན་འདས་ཡུན་རིང་དུ་བཞུགས་སུ་གསོལ། དེ་བཞིན་དུ་ཤིང་རྟ་ཤིང་རྟའི་རིག་བྱེད་ལ་མཁས་པས། བདག་གི་བུ་ལ་ནི་རྒྱུད་ཕྱི་མ་སྒྲ་གྲག་པར་ཕོག་པའི་དཔྱད་ཐམས་ཅད་སློབ
79b6 པར་བགྱིད་ཀྱི། སློབ་མ་ལ་ནི་སློབ་པར་མི་བགྱིད་པ་དང་། རིག་པའི་གནས་གཞན་དག་ལ་ཡང་དེ་བཞིན་དུ་སྦྱར་རོ།། བཅོམ་ལྡན་འདས་དཔེར་གསོལ་ན། བྱིས་པ་འམ། རྒན་པོའམ། ནད་པ་ལ་ལ
79b7 ཞིག་ལམ་བཟང་པོ་ལས་གོལ་ཏེ། ལམ་ངན་པར་མཆིས་ན། ཤིན་ཏུ་སྡུག་བསྔལ་བར་འགྱུར་བ་དེ་བཞིན་དུ། བཅོམ་ལྡན་འདས་སེམས་ཅན་ལམ་ངན་པར་མཆིས་པ་རྣམས་ལུས་དང་བྲལ་བའི་འོག་ཏུ་སེམས
iiif viewer powered by OpenSeadragon
