| e-texts navigator |
| Wylie |
77b1 བཞིན་དུ་འཇལ་ལགས་ན། ཧ་ཅང་སྡུག་བསྔལ་ཆེན་པོ་མི་བཟོད་ལགས་སོ།། བཅོམ་ལྡན་འདས་ཐབས་ཀྱིས་ཡོངས་སུ་མྱ་ངན་ལས་འདའ་བར་མཛད་པ་ལ་ནི། བདག་གློ་བ་རངས་ལགས་སོ།། བཅོམ
77b2 ལྡན་འདས་ཀྱིས་བཀའ་སྩལ་པ། སྐུལ་བྱེད་ལེགས་སོ་ལེགས་སོ།། རིགས་ཀྱི་བུས་ནི་ངའི་མྱ་ངན་ལས་འདས་པ། ཐབས་དེ་ལྟར་བལྟ་བར་བྱའོ།། སྐུལ་བྱེད་སངས་རྒྱས་གཤེགས་པ་ནི་བྱ་བཞད་ཟས་ལ
77b3 འགྲོ་བ་ལྟ་བུར་ཤེས་པར་གྱིས་ཤིག། སྐུལ་བྱེད་ཚེ་རིང་བ་དང་། ཚེ་རིང་བ་མ་ཡིན་པའི་རྟགས་ཤེས་པར་གྱིས་ཤིག། སྐུལ་བྱེད་ཆོས་ཐམས་ཅད་ནི་སྒྱུ་མའི་ཆོས་ཅན་ནོ།། དེ་བཞིན་གཤེགས་པ་ནི་ཆོས
77b4 ཐམས་ཅད་ལ་ཐབས་ཀྱི་ཆོས་ཅན་ཡིན་ལ། དེ་རྣམས་ཀྱིས་ཀྱང་གོས་པར་མི་འགྱུར་བ་དེ་ནི། སངས་རྒྱས་བཅོམ་ལྡན་འདས་རྣམས་ཀྱི་རང་བཞིན་ནོ།། སྐུལ་བྱེད་ཁྱོད་སྲིད་པའི་རྒྱ་མཚོ་ལས་ངེས་པར་བརྒལ
77b5 བར་བྱ་བའི་ཕྱིར། ཞལ་ཟས་སྦྱར་ཏེ་འོན་ཅིག། ལྷ་དང་། ལྷ་མ་ཡིན་དང་། མི་རྣམས་ཀྱིས་ཀྱང་ང་ལ་རང་རང་གི་མཆོད་པ་བྱས་ནས། མི་གཡོ་བའི་བདེ་བ་ཐོབ་པར་གྱུར་ཅིག། ཁྱེད་ཀྱིས་ཀྱང་སྣོད་དུ
77b6 གྱུར་པ་ལ་དུས་སུ་སྦྱིན་པར་གྱིས་ཤིག། མ་ཐོགས་ཤིག། སྣོད་དུ་གྱུར་པ་དང་། ང་དང་དེ་བཞིན་གཤེགས་པ་ཞེས་བྱ་བ་ནི་དོན་ཐ་དད་པ་མ་ཡིན་ནོ།། དེ་ནས་སྐུལ་བྱེད་ཀྱིས་ཀྱང་སེམས
77b7 ཅན་ཐམས་ཅད་ངེས་པར་བསྒྲལ་བའི་ཕྱིར། མགོ་སྨད་དེ་མཆི་མ་ལེགས་ནས་གསོལ་པ། ལེགས་ལགས་སོ།། ལེགས་ལགས་སོ།། བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་དུ
iiif viewer powered by OpenSeadragon
