| e-texts navigator |
| Wylie |
77a1 སྣོད་དང་། གློག་ལྟ་བུར་ཁོང་དུ་ཆུད་པར་གྱིས་ཤིག། འདུས་བྱས་ནི་ཉེས་པ་གྲངས་མེད་པའི་འབྱུང་གནས་ཡིན་ནོ་སྙམ་དུ་ཤེས་པར་གྱིས་ཤིག། འདུས་བྱས་ཀྱི་རང་བཞིན་ལ
77a2 ལྟོས་ཤིག། དེ་ནས་བཅོམ་ལྡན་འདས་ལ། སྐུལ་བྱེད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་དང་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ། དེ་བཞིན
77a3 གཤེགས་པ་ཡུན་རིང་དུ་བཞུགས་སུ་མི་གནང་ན། བདག་ཅིའི་སླད་དུ་མི་དུ་ལགས། འཇིག་རྟེན་སྟོངས་ཀྱིས་མ་མཆིས་སོ།། དེ་ནས་བཅོམ་ལྡན་འདས་ཀྱིས། སྐུལ་བྱེད་ལ་འདི་སྐད་ཅེས
77a4 བཀའ་སྩལ་ཏོ། ། ང་ནི་ཁྱོད་ལ་སྙིང་བརྩེ་བ་དང་། སེམས་ཅན་ཐམས་ཅད་ལ་སྙིང་བརྩེ་བའི་ཕྱིར། ཡོངས་སུ་མྱ་ངན་ལས་འདའ་བར་བྱེད་དེ། འདི་ནི་སངས་རྒྱས་རྣམས་ཀྱི་ཆོས་ཉིད་དང་། འདུས་བྱས་ཀྱི་ཆོས
77a5 ཉིད་དོ། ། འདུ་བྱེད་ཐམས་ཅད་མི་རྟག་གོ་ཞེས་བྱ་བའི་ཕྱིར་ཚོགས་སུ་བཅད་པར་ཁོང་དུ་ཆུད་པར་གྱིས་ཤིག། ཆོས་ཐམས་ཅད་ནི་འདུ་བྱེད་དང་འདྲེས་པའི་ཕྱིར་སྡུག་བསྔལ་བའོ་སྙམ་དུ་རྟོགས་ཤིག། ཆོས
77a6 ཐམས་ཅད་ནི་བདག་མེད་པའོ་སྙམ་དུ་སྤྱོད་ཅིག། མི་བརྟན་པ། བརྙན་མ། ཕྱིན་ཅི་ལོག་པའོ་སྙམ་དུ་སོམས་ཤིག། ལུས་འདི་ནི་ཉེས་དམིགས་མཐའ་ཡས་པ་དང་ལྡན་པའོ་སྙམ་དུ་ཤེས་པར་གྱིས
77a7 ཤིག། འདི་ནི་དབུ་བ་དང་འདྲ་བར་ལྟོས་ལ། མདུ་ཞིག། ཡི་མ་ཆད་ཅིག། དེ་ནས་བཅོམ་ལྡན་འདས་ལ། སྐུལ་བྱེད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་ནི་དེ
iiif viewer powered by OpenSeadragon
