| e-texts navigator |
| Wylie |
74b1 བསྒྲལ་བའི་ཕྱིར། རང་གི་སྲོག་དང་བསྔོས་ཏེ། འབད་པ་དེ་བཞིན་དུ་བྱའོ།། དམ་པའི་ཆོས་འབྱུང་བའི་ཐབས་བྱ་བའི་ཕྱིར། དེ་བཞིན་གཤེགས་པ་ནི་འདུས་མ་བྱས་པའོ་སྙམ་དུ་སེམས་བསྐྱེད་པར་བྱའོ།།
74b2 དེ་བཞིན་གཤེགས་པ་འདུས་མ་བྱས་པར་མཐོང་ན། བདག་ཉིད་ཀྱི་དོན་དུ་བྱ་བའི་ཐར་པའི་དོན་རྟོགས་པར་འགྱུར་རོ།། བཙུན་པ་འཇམ་དཔལ་དཔེར་ན་མི་ལ་ལ་ཞིག་ལམ་དུ་འགྲོ་བས་དུབ་པར་གྱུར་ཏེ།
74b3 ཁྱིམ་གྱི་ནང་དུ་ཉལ་བ་ལས། དེའི་ཚེ་ཁྱིམ་དེ་ཐོག་ཐག་ནས་མེ་ཆེན་པོར་འབར་ཏེ། མི་དེ་མེས་ཚིག་པ་ན། ད་ནི་སྲོག་མེད་ཟིན་ནོ་སྙམ་ནས། ངོ་ཚ་ཤེས་པ་དང་། ཁྲེལ་ཡོད་པ་དང་ལྡན་པས། བདག་ཉིད
74b4 གོས་ཀྱིས་དམ་དུ་དཀྲིས་ཏེ། སེམས་དྲན་པ་དང་ལྡན་བཞིན་དུ་ཤི་ནས། དེ་ངོ་ཚ་ཤེས་ཤིང་ཁྲེལ་ཡོད་པར་སེམས་པའི་བསོད་ནམས་ཀྱི་འབྲས་བུས་སུམ་ཅུ་རྩ་གསུམ་པའི་རྒྱལ་སྲིད་ནི་ལན་བརྒྱད་ཅུ་བྱས། ཚང་བའི་རྒྱལ
74b5 སྲིད་ནི་ལན་འབུམ་བྱས། མིའི་འཇིག་རྟེན་དུ་ཡང་འཁོར་ལོས་སྒྱུར་བའི་རྒྱལ་སྲིད་ལན་དུ་མ་བྱས་ཏེ། ངན་སོང་རྣམསུ་ཡང་མི་སྐྱེ་ལ་ལན་མང་དུ་བདེ་བ་གཅིག་ནས་གཅིག་ཏུ་བརྒྱུད་པ་འབའ་ཞིག་ཐོབ་པ་དེ་བཞིན་དུ། འཇམ་དཔལ་ཁྱོད
74b6 སྐྱེས་བུ་དམ་པ་དག་དེ་ལྟར་མཛེས་པར་གྱིས་ཤིག། ངོ་ཚ་ཤེས་པར་གྱིས་ཤིག། དེ་བཞིན་གཤེགས་པ་འདུ་བྱེད་ཀྱི་ཐབས་ལ་འཇུག་པ་སྤྱོད་དུ་མ་ཞུགས་ཤིག། དགེ་སློང་ཚུལ་ཁྲིམས་ཕུན་སུམ་ཆོག
74b7 པ། དེ་བཞིན་གཤེགས་པ་འདུས་མ་བྱས་པ་ལ། དེ་བཞིན་གཤེགས་པ་འདུས་བྱས་པ་ཡིན་ནོ་ཞེས་ཟེར་བ་བས་ནི། མུ་སྟེགས་པར་གྱུར་ཏེ་ཤི་ཡང་བླའོ།། དེ་བཞིན་གཤེགས་པ་འདུས་མ་བྱས་ཡིན་བཞིན་དུ།
iiif viewer powered by OpenSeadragon
