| e-texts navigator |
| Wylie |
73a1 གཤེགས་པས་ནི་ལོ་བརྒྱ་ཡང་མཐུབ་སྟེ། དེ་བས་ན་དེ་བཞིན་གཤེགས་པ་ལྷའི་ཡང་ལྷར་འོས་པ་མ་ཡིན་ནོ།། དཔེར་ན་མི་ལ་ལ་ཞིག་གྲོང་དཔོན་བྱེད་པ་ལས། དེ་མཐར
73a2 གྱིས་དབང་ཕྱུག་ཆེན་པོར་གྱུར་ནས། བློན་པོ་ཆེན་པོའི་དབང་ཕྱུག་ལས་ཀྱང་འདས་ཏེ། རང་གིས་དབང་ཕྱུག་གི་འབྲས་བུ་ཆོས་ཀྱིས་རྙེད་པ་ལ་ལོངས་སྤྱོད་པ་ལས། དེའི་ཕྱིར་ཡང་བསོད་ནམས་ཟད་ཅིང་། དབང
73a3 ཕྱུག་ལས་ཉམས་པར་གྱུར་ནས། གཞན་གྱིས་བཀོལ་ཞིང་བརྙས་པར་འགྱུར་བ། དེ་ཅིའི་ཕྱིར་ཞེ་ན། དབུལ་པོར་གྱུར་པའི་ཕྱིར་རོ།། དེ་དང་འདྲ་བར་གལ་ཏེ་དེ་བཞིན་གཤེགས་པ་འདུ་བྱེད་དུ་འགྱུར་དུ་ཟིན་ན་ནི
73a4 འཆི་བའི་རྒྱུ་ཡིན་པའི་ཕྱིར། ལྷའི་ཡང་ལྷར་འོས་པ་མ་ཡིན་ནོ།། བཙུན་པ་འཇམ་དཔལ་དེ་བས་ན། ལྷའི་ཡང་ལྷ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ། དེ་ལྟར་འདུ་བྱེད་དང་།
73a5 འདྲ་བར་མ་ལྟ་ཞིག། འཇམ་དཔལ་གཞན་ཡང་ཅི་ཁྱོད་ཤེས་བཞིན་དུ་དེ་བཞིན་གཤེགས་པ་ལ་འདུ་བྱེད་ཀྱི་རང་བཞིན་དུ་རྟོག་པར་བྱེད་དམ། འོན་ཏེ་མ་ཤེས་པས་རྟོག་པར་བྱེད། གལ་ཏེ་དེ་བཞིན་གཤེགས་པ་འདུ་བྱེད
73a6 དང་འདྲ་བ་ནི། འཇིག་རྟེན་གསུམ་པོ་དག་ན་ཆོས་ཀྱི་དབང་ཕྱུག་བརྙེས་པ། ལྷའི་ཡང་ལྷ་མཛད་པའོ་འོས་མ་ཡིན་ནོ།། དཔེར་ན་རྒྱལ་པོའི་དབང་པོ་ལ་ལ་ཞིག་ལ་གྱད་སྟོང་གི་མཆོག་ཏུ་གྱུར་པའི་གྱད་ཅིག་ཡོད་ལ། དེ་གྱད
73a7 ཐམས་ཅད་ཀྱིས་མི་ཐུབ་པའི་ཕྱིར། གྱང་སྟོང་ཐུབ་ཅེས་བྱ་བའི་མིང་ཐོབ་སྟེ། དེ་ལ་གྱད་ཟླ་མེད་པའི་ཕྱིར་བླ་ནས་དབང་ཐང་ཆེན་པོ་འགྲུབ་ན། ཅི་གྱད་སྟོང་ཐུབ་པ་དེའི་མིང་དེ་ཐོས་ན་སྐད་གྲགས་པ་དེ་མི་བདེན་པ་ཡིན་ནམ། འོན
iiif viewer powered by OpenSeadragon
