| e-texts navigator |
| Wylie |
72a1 བུ་བཞིན། ། འཇིག་རྟེན་དག་ན་ཐེར་ཟུག་གནོད་པའི་གནི།། རྟག་ཏུ་འབྲས་ལྟར་སྡུག་བསྔལ་འབྲེལ་བ་གང་།། མི་གཙང་ལུས་དང་འདོད་པ་དེ་དག་ལ།། ཕན་འདོད་སྡུག་བསྔལ་བས
72a2 འདོད་སུ་ཞིག་དགའ། ། མི་རྟག་འདོད་པ་རྣམས་ལ་ཆགས་པ་མེད།། ཚུལ་བཞིན་རྟོགས་པས་འདོད་ཆགས་བྲལ་བར་འགྱུར།། དེ་ནས་ཡང་དག་མཐོང་ན་འདོད་ཆགས་འབྲལ།། དེ་དག་སྤངས་བཅད་གྲོལ་བ་ཉིད་དུ
72a3 འགྱུར། ། ང་ནི་སྲིད་པའི་ཆུ་ཆེན་ལེགས་པར་བརྒལ།། ང་ནི་སྡུག་བསྔལ་རྣམས་འདས་བདེ་བར་ཞུགས།། དེ་ཕྱིར་ངས་ནི་མཐའ་ཡས་སྤྲོས་མེད་པ།། ཆགས་པ་ཀུན་བསལ་ཐར་པ་ཐོབ་པར་གྱུར།། ང་ལ་རྒ་དང
72a4 ན་དང་འཆི་བ་མེད། ། ང་ལ་རྟག་ཏུ་ཚེ་ཡང་ཟད་པ་མེད།། ང་ནི་མེ་ལྟར་འབར་ཏེ་འགྲོ་འགྱུར་གྱིས།། ཁྱོད་ཀྱིས་ང་ནི་མེད་འགྱུར་མ་སེམས་ཤིག། དེ་བཞིན་གཤེགས་ཉིད་ལྷུན་པོ་འདྲ་བར་ལྟོས།། ང་དེང་ཡང་དག
72a5 མྱ་ངན་འདའ་བར་འགྱུར། ། བདེ་མཆོག་དེ་ནི་ང་ཡི་ཆོས་ཉིད་དེ།། རྒྱལ་རྣམས་སྤྱོད་ཡུལ་ཡིན་གྱི་ཁྱོད་མ་དུ། དེ་ནས་བཅོམ་ལྡན་འདས་ལ། མགར་བའི་བུ་སྐུལ་བྱེད་ཀྱིས་འདི་སྐད་ཅེས་གསོལ
72a6 ཏོ། ། བཅོམ་ལྡན་འདས་དེ་ནི་དེ་ལགས་སོ།། དེ་ནི་དེ་ལགས་ཏེ།། མྱ་ངན་ལས་འདས་པ་ནི་བདག་གིས་ཀྱང་བསམ་གྱིས་མི་ཁྱབ་ལགས་ན།། སྦྲང་བུ་དང་འདྲ་བའི་སེམས་ཅན་ཐེག་པ་དམན་པ་གཞན་དག་གིས་ལྟ་སྨོས
72a7 ཀྱང་ཅི་འཚལ། བཅོམ་ལྡན་འདས་ཀྱེ་མ་བདག་དེ་དུ་བྱང་ཆུབ་སེམས་དཔའ་མི་མཆོག་སྐལ་བ་ཆེན་པོ་དང་ལྡན་པ། མཆོད་པར་འོས་པ། འཇམ་དཔལ་གཞོན་ནུར་གྱུར་པ་ལ་སོགས་པ་དང་། ཟག་པ་ཟད་པ་རྣམས
iiif viewer powered by OpenSeadragon
