| e-texts navigator |
| Wylie |
67a1 ཤེལ་ལས་བྱས་པ། ཀ་ལིང་ཀའི་རས་ཀྱིས་གཡོགས་པ། ཆེ་བ་ལ་འོས་པ། འཇིག་རྟེན་གསུམ་ན་ཕུལ་དུ་བྱ་བ་ཤ་སྟག་གིས་དཀྲིགས་ཏེ། སེང་གེའི་ཁྲི་དེ་དག་ལ་རྒྱལ་པོ
67a2 དག་འཁོད་ཅིང་། སེམས་ཅན་གཞན་དག་ཐེག་པ་ཆེན་པོའི་མདོ་སྡེ་རྣམས་སློབ་པར་བྱེད་དེ། རྒྱལ་པོ་དེ་དག་གི་མདུན་ན་ལ་ལ་ནི་ཡི་གེ་འདྲི། ལ་ལ་ནི་ཀློག། ལ་ལ་ནི་ཁ་ཏོན་སློབ་བོ།། དེ་ལྟར་བྱང་ཆུབ་སེམས་དཔའ
67a3 སེམས་དཔའ་ཆེན་པོ་ལུས་ཆེན་མཐའ་ཡས་ཀྱིས། བ་སྤུའི་ཁུང་བུ་ནས་སྐྱེས་པའི་པདྨ་དག་ལ་འཁོད་པའི་སེམས་ཅན་དེ་དག། འདོད་པའི་ཡོན་ཏན་ལྔའི་དགའ་བ་དང་ལྡན་ཡང་དེ་དག་ཡོངས་སུ་སྤངས་ནས། མྱ་ངན
67a4 གྱིས་གདུངས་ཏེ། སྨྲེ་སྔགས་འདོན་ཅིང་། ཀྱི་ཧུད་ཀྱི་ཧུད་ཅེས་བླ་ཞིང་འཁོད་དོ།། ཉིས་འགྱུར་དུ་མཆོད་པའི་ཚོགས་འབུལ་བར་བྱེད་དོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལུས
67a5 ཆེན་མཐའ་ཡས་བྱང་ཆུབ་སེམས་དཔའ་དཔག་ཏུ་མེད་པས་བསྐོར་ཏེ། དེ་ལྟ་བུའི་འབྱོར་པའི་རྣམ་པ་དག་སྟོན་ཅིང་། མཆོད་པའི་ཚོགས་ཆེན་པོ་དང་། ཞལ་ཟས་རྒྱ་ཆེ་བ་དག་ཁྱེར་ཏེ་འོངས་ནས། ཞལ་ཟས་དེ
67a6 དག་དང་། པདྨ་དེ་དག་གི་དྲི་བསུང་ཚོར་བ་གང་ཡིན་པ་དེ་དག་ཀྱང་ཉོན་མོངས་པ་དང་བྲལ་བར་གྱུར་ཏོ།། བྱང་ཆུབ་སེམས་དཔའི་མཐུ་ཆེན་པོས་འཇིག་རྟེན་གྱི་ཁམས་ཐམས་ཅད་ཀྱང་མཐོང་བར་གྱུར་ཏོ།། བྱང
67a7 ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་མཐའ་ཡས་ཀྱི་ཚད་ཀྱང་ནམ་མཁའ་དང་མཉམ་པར་འདུག་སྟེ། སུས་ཀྱང་མཐོང་བར་མི་ནུས་སོ།། དེ་ནས་བྱང་ཆུབ་སེམས་དཔའ་སེམས་དཔའ
iiif viewer powered by OpenSeadragon
