| e-texts navigator |
| Wylie |
62b1 པར་གསོལ་བ་ལ། བཅོམ་ལྡན་འདས་ཀྱིས་མ་བཞེས་ནས། ལངས་ཏེ་ཕྱོགས་གཅིག་ཏུ་འདུག་གོ།། དེ་ནས་བདུད་སྡིག་ཅན་ཆུང་མ་གྲངས་མེད་པའི་འཁོར་དང་བཅས་ཏེ། སེམས་ཅན
62b2 དམྱལ་བ་ཐམ་ཅད་ཀྱི་བར་སྲང་ཐམས་ཅད་ཕྱེ་ནས། དེ་དག་ལ་ཆུ་དང་ཁ་ཟས་ལ་སོགས་པ་ཅི་འདོད་པ་བྱིན་ཏེ། དེ་དག་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲན་པར
62b3 གྱིས་ཤིག། སྦྱིན་པའི་ཐ་མ་ལ་རྗེས་སུ་ཡི་རང་བར་གྱིས་ཤིག་ཅེས་སྨྲས་ནས། དེ་དག་ལ་ཁྱེད་བདེ་བར་གྱུར་ཅིག་ཅེས་ཀྱང་དབུགས་ཕྱུང་ངོ་།། སེམས་ཅན་དམྱལ་བའི་གྲོང་ཁྱེར་མཚོན་ཆས་གང་ཞིང་། མེ
62b4 ཆེན་པོ་འབར་བ་རྣམས་སུ་ཡང་སྤྲིན་ཆེན་པོ་བཞིན་དུ་ཆུ་ཆེན་པོ་ཕབ་ནས། སེམས་ཅན་དམྱལ་བ་པ་རྣམས་ཀྱིས་སྔོན་མ་མྱོང་བའི་བདེ་བ་དང་ལྡན་པའི་འདུ་ཤེས་སྐྱེད་དེ། དེ་བཞིན་གཤེགས་པའི་མཐུས།། བདུད
62b5 ཀྱི་སེམས་ཀྱི་གནས་སྐབས་དེ་ལྟ་བུར་གྱུར་ཏོ། ། དེའི་འཁོར་གང་ཡིན་པ་དེ་དག་གིས་ཀྱང་། གཞུ་དང་། རལ་གྲི་དང་། ཐོ་བ་དང་། དགྲ་སྟ་དང་། རྡོ་རྗེ་རྩེ་གཅིག་པ་དང་། མཚོན་ཀམ་པ་ན་དང་། ལྕགས
62b6 ཀྱི་བེ་ར་ཀ་དང་། ལྕགས་མདའ་དང་། ཤ་ཏ་ག་ནི་དང་། མདའ་དང་། འཕང་མདུང་དང་། མདུང་རྩེ་གཅིག་པ་ལ་སོག་པ་མཚོན་ཆ་རྣམས་ཡོངས་སུ་སྤངས་ཏེ། ཆོས་ལྷུར་ལེན་པར་གྱུར་ཏོ།། དེའི་མཆོད
62b7 པ་ཡང་ལྷ་སྔ་མ་རྣམས་ལ་མེད་པ་དེ་ལྟ་བུར་གྱུར་ཏེ། དེའི་གདུགས་ཕལ་བའི་ཆུ་ཞེང་དུ་ཡང་འཇིག་རྟེན་གྱི་ཁམས་པར་མའི་ཁྱོན་ཙམ་མོ།། དེ་ལྟར་དེ་མཐུ་ཆེན་པོ་དང་ལྡན་ཞིང་། རང་གི་ཆུང་མ་རྣམས་ཀྱིས་རྔ
iiif viewer powered by OpenSeadragon
