| e-texts navigator |
| Wylie |
60b1 གང་བར་འདུག་སྟེ། བྱང་གྱི་སྒྲ་མི་སྙན་གྱི་སྐྱེད་མོས་ཚལ་བས་ཀྱང་ལྷག་པར་མཛེས་སོ།། གཅིག་ཏུ་དགའ་བའི་ཚལ་དང་། ཤིང་རྟ་སྣ་ཚོགས་ཅན་དང་འདྲ་བར་གྱུར་ཏེ། ས་ཕྱོགས་དེ་དག་དེ་ལྟར་དགའ་དགའ
60b2 ལྟར་འདུག་ཀྱང་། ལྷ་དང་། ལྷ་མ་ཡིན་དང་། མི་དེ་དག་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བའི་ཕྱིར་ཤིན་ཏུ་ངུའོ།། གཞན་ཡང་དེའི་ཚེ་རྒྱལ་ཆེན་བཞིའི་རིས་ཀྱི་ལྷ་རྣམས་རང་རང་གི
60b3 འཁོར་ལ་ལ་འདི་སྐད་ཅེས་འཛེར་ཏེ། གྲོགས་པོ་དག་ལྟོས། གྲོགས་པོ་དག་ལྟོས། ལྷ་དང་། ལྷ་མ་ཡིན་དང་། མི་རྣམས་ཀྱིས་དེ་བཞིན་གཤེགས་པའི་མཆོད་པའི་ལས་ཁྱད་པར་བུ་ཕགས་ལ། དེ་བཞིན
60b4 གཤེགས་པ་ལ་ཞལ་ཟས་ཀྱི་ཐ་མ་འབུལ་བ་ལ་བརྩོན་གྱིས་གྲོགས་པོ་དག་བདག་ཅག་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སོ་སོ་ནས་མཆོད་པར་བྱའོ། །
60b5 ཞལ་ཟས་ཀྱི་ཐ་མ་ཡང་དབུལ་བར་བྱའོ།། གལ་ཏེ་བདག་ཅག་གིས་ཕུལ་བའི་ཞལ་ཟས་ཀྱི་ཐ་མ་བཅོམ་ལྡན་འདས་ཀྱིས་བཞེས་པར་གྱུར་ན། དེ་ལས་བདག་ཅག་གིས་སྦྱིན་པའི་ཕ་རོལ་ཏུ་ཕྱིན་པ་ཆེན་པོ་ཐོབ
60b6 པར་འགྱུར་རོ། ། ཞེས་དེ་དག་གིས་དེ་སྐད་ཅེས་སྨྲས་ནས། གཡོག་འཁོར་མང་པོ་གྲངས་མེད་པ་དང་བཅས་པས་མཆོད་པ་སྔ་མའི་ཉེས་འགྱུར་གྱི་མཆོད་པ་དང་། ཞལ་ཟས་མང་པོ་དག་ཁྱེར་རོ།། མེ་ཏོག
60b7 མང་པོ་དག་ཀྱང་ཁྱེར་ཏེ། འདི་ལྟ་སྟེ། མནྡ་ར་བ་རྣམ་དང་། མནྡ་ར་བ་ཆེན་པོ་རྣམས་དང་ཀེ་ཀེ་རུ་ཀ་རྣམས་དང་། ཀེ་ཀེ་རུ་ཀ་ཆེན་པོ་རྣམས་དང་། མཉྫུ་ཤ་ཀ་རྣམས་དང་། མཉྫུ་ཤ་ཀ་ཆེན་པོ་རྣམ་དང
iiif viewer powered by OpenSeadragon
