| e-texts navigator |
| Wylie |
60a1 བར་མཚམས་ཀྱི་རིགངྒཱའི་ཀླུང་གྲངས་མེད་པའི་བྱེ་མ་སྙེད་ཀྱང་། ཤིང་ལྗོན་པ་དང་། འཁྲི་ཤིང་མང་པོ་ཉི་ཚན་གྱི་གྲིབ་མ་བྱེད་པ་དང་། བྲག་ཟང་ལག་གྲིབ་མ་ཆེ་བ་དང་།
60a2 བྲག་ཁ་ནས་འབབ་པའི་ཆུས་གང་བ་དང་། སྨན་གཤོང་རྡོ་གུ་དང་། རྩ་བ་དང་། འབྲས་བུས་གང་བ་དག་ཀྱང་དེར་ལྷགས་སོ།། ལྷའི་བུ་མཐུ་བོ་ཆེའི་མདུན་མ་ཆེན་པོ་དག་ཀྱང་རི་རབ་དང་བཅས་ཏེ། མཆོད
60a3 པའི་ཕྱིར་ལྷགས་ནས། བཅོམ་ལྡན་འདས་ལ་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ལྷའི་བུ་མཐུ་བོ་ཆེ་འོད་ཆེན་པོ་རྒྱ་མཚོ་ཆེན་པོ་བཞིའི་ནང་ན་གནས་པ་དང་། ཆུ་ཀླུང་ཆེན
60a4 པོ་དག་གི་ནང་ན་གནས་པ་གངྒཱའི་ཀླུང་གྲངས་མེད་པའི་བྱེ་མ་སྙེད་མཆོད་པ་སྔ་མ་བས་ཆེས་ཉིས་འགྱུར་གྱིས་མཛེས་པའི་མཆོད་པ་སྔོན་དུ་བཏང་ནས། ཉི་མའི་འོད་ཟིལ་གྱིས་མནན་པ་བཞིན་དུ། རང་རང
60a5 གི་འོད་ཀྱིས་ཉི་མའི་འོད་ཟིལ་གྱིས་མནན་ཏེ། ཉི་མ་འཆར་ཀའི་འོད་ཀྱིས་ཤིང་མྱ་ངན་འཚང་གི་ལོ་མ་ཐམས་ཅད་དམར་ལ་མ་མེར་སྣང་བར་བྱེད་པ་བཞིན་དུ། རང་རང་གི་འོད་ཀྱིས་ཆུ་ཀླུང་གསེར་ལྡན་གྱི་ཆུ་ཐམས
60a6 ཅད་དམར་ལམ་མེར་སྣང་བར་བྱས་ནས། བཅོམ་ལྡན་འདས་ལ་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་གྲོང་ཁྱེར་ཀུ་ཤ་ནས། ཤིང་སཱ་ལ་ཟུང་གི་དྲུང་གི་བར་སྐབས་ཀྱི་བར
60a7 སྣང་ལ། ཁང་བཟངས་རིའི་དབང་པོའི་རྩེ་མོ་ལྟ་བུ། ངང་པའི་ཐལ་གོང་ལྟར་དཀར་བ་ཤ་སྟག་གིས་འཁྲིགས་པར་གྱུར་ཏོ།། ས་གཞི་ནི་སྐྱེད་མོས་ཚལ་དང་། རྫིང་བུའི་ཆུ་པདྨས་མཛེས་པར་བྱས་པ་དག་གིས
iiif viewer powered by OpenSeadragon
