| e-texts navigator |
| Wylie |
59a1 ལྡན་པས། ཆར་ཟིམ་བུ་བསིལ་བ་དང་འདྲེས་པའི་མེ་ཏོག་གི་ཆར་འབེབས་ཤིང་། བཅོམ་ལྡན་འདས་ལ་ཕྱག་འཚལ་ཏེ། ཞལ་ཟས་མ་བཞེས་ནས་རེ་ཐག་ཆད་དེ། དེ་བཞིན
59a2 གཤེགས་པའི་གདུང་ཞུགས་ལ་ཞེན་པའི་མེ་གསད་པའི་ཕྱིར་ནམ་མཁའ་ཉིད་ལ་འཁོད་དོ། ། གཞན་ཡང་དེའི་ཚེ་སྤོས་ཀྱི་གླང་པོ་སྒྲ་ཅན་དང་། ལུང་བཏང་མདོག་དང་། སྦྲང་རྩིའི་མདོག་སེལ་དང་། འདོད
59a3 དགུའི་སྤོས་ལྡན་ལ་སོགས་པ་སྤོས་ཀྱི་གླང་པོ་གངྒཱའི་ཀླུང་ཉི་ཤུའི་བྱེ་མ་སྙེད་ཐེག་པ་ཆེན་པོ་འདོད་པ་ཤ་སྟག་གིས་སྟོན་པ་ཡོངས་སུ་མྱ་ངན་ལས་འདའ་བའི་ཕྱིར། གངས་ཀྱི་སྨན་དང་། པདྨའི་རྩ་བ་དང་བུ་ཤིང
59a4 རྟ་ཆེན་པོའི་འཕང་ལོ་ཙམ་ཤ་སྟག་དང་། དགོན་པ་ཆེན་པོ་དག་ནས་པདྨ་དང་། ཨུཏྤ་ལ་དང་། ཀུ་མུ་ད་དང་། པདྨ་དཀར་པོ་དང་། རྩ་བ་དང་། འབྲས་བུ་དང་། རྡོ་གུ་སྠ་ཐ་དད་པ་དུམ་དག་སྣའི་ཐར་ཏོས་ཕྱུང
59a5 ཞིང་ཁྱེར་ཏེ། རླུང་གི་ཤུགས་པས་ཀྱང་ཆེས་མགྱོགས་པ་དང་། ཤིན་ཏུ་རེངས་པར་དབྱར་གྱི་འབྲུག་སྒྲ་བཞིན་དུ་སྒྲོགས་ཤིང་ལྷགས་ནས། པདྨའི་འདབ་མ་བཅེར་བའི་སེང་གེའི་ཁྲིའི་ལྡ་ལྡི་དག་བཤམས་ཏེ། བཅོམ
59a6 ལྡན་འདས་ལ་མཆོད་པ་བྱས་ནས། ཞལ་ཟས་མ་བཞེས་པས་རེ་ཐག་ཆད་དེ། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་སེང་གེ་སེང་གེའི་སྒྲ་སྒྲོགས་ཞེས་བྱ་བ་ལ་སོགས་པ་སེང་གེ་གངྒཱའི་ཀླུང་སུམ་ཅུའི་བྱེ་མ
59a7 སྙེད་སེམས་ཅན་ཐམས་ཅད་ལ་མི་འཇིགས་པ་སྦྱིན་པ་ཤ་སྟག་གིས། སེང་གེའི་རྩ་ལ་ཆེན་པོས་སྤོས་ཀྱི་གླང་པོ་ཆེ་རྣམས་དང་འདྲ་བར་མེ་ཏོག་དང་འབྲས་བུ་རྣམས་ཁྱེར་ཏེ། རིངས་པར་ལྷགས་ནས་ཕྱོགས་གཅིག
iiif viewer powered by OpenSeadragon
