| e-texts navigator |
| Wylie |
57b1 རེ་རེའི་མཆོད་པ་ཆེས་ཁྱབ་པར་འཕགས་པར་གྱུར་ཏེ། དེ་དག་ཀྱང་ཞལ་ཟས་མ་བཞེས་ནས། ཡིད་མི་དགའ་བར་གྱུར་ཏེ། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ལྟོ་འཕྱེ་ཆེན་པོའི་བདག་པོ་ལ།
57b2 མཐོང་ཆེན་པོ་ལ་སོགས་པ་ལྟོ་འཕྱེ་ཆེན་པོའི་བདག་པོ་ག་ངྒཱའི་ཀླུང་ལྔ་བཅུའི་བྱེ་མ་སྙེད་ཀྱིས་མཆོད་པ་སྔ་མའི་ཉིས་འགྱུར་ཁྱེར་བ་ལས། སྔ་མ་བཞིན་དུ་ཞལ་ཟས་མ་བཞེས་ནས། ཡིད་མི་དགའ་ཏེ་ཕྱོགས་གཅིག
57b3 ཏུ་འཁོད་དོ། ། གཞན་ཡང་དེའི་ཚེ་ལྷ་མ་ཡིན་གྱི་བདག་པོ་བདེ་མཆོག་རིགས་ལ་སོགས་པ་ལྷ་མ་ཡིན་གྱི་བདག་པོ་གངྒཱའི་ཀླུང་དྲུག་ཅུའི་བྱེ་མ་སྙེད་ལུས་ཆེ་ཞིང་སྣང་བ་ཆེན་པོ་དང་ལྡན་པ། ལྷ་མ་ཡིན་གྱི་བསམ་པ
57b4 མེད་པ་ཤ་སྟག་གིས་མཆོད་པ་སྔ་མའི་ཉིས་འགྱུར་ཉིས་འགྱུར་གྱི་མཆོད་པ་དག་ཁྱེར་ཏེ་འོ་ནས། བཅོམ་ལྡན་འདས་ལ་ཕྱག་འཚལ་ནས་ཞལ་ཟས་མ་བཞེས་ཏེ། ཡིད་མི་དགའ་བར་གྱུར་ནས་ལངས་ཏེ། ཤིང་སཱ་ལ
57b5 ཟུང་གི་དྲུང་དུ་རང་རང་གི་གཟི་བྱིན་གྱིས་སྣང་བར་བྱས་ཏེ་འཁོད་དོ། ། གཞན་ཡང་དེའི་ཚེ་སྦྱིན་བྱེད་མའི་བུའི་བདག་པོ་གངྒཱའི་ཆུ་དྲི་མ་མེད་པ་རྗེས་བྱིན་ལ་སོགས་པ་སྦྱིན་བྱེད་མའི་བུ་གངྒཱའི་ཀླུང་བདུན་ཅུའི་བྱེ་མ་སྙེད་ལུས
57b6 ཆེ་ཞིང་སྣང་བ་ཆེན་པོ་དང་ལྡན་པ། སྦྱིན་བྱེད་མའི་བུའི་བསམ་པ་མེད་པ་ཤ་སྟག་གིས་མཆོད་པ་སྔ་མ་ཐམས་ཅད་ལས་མཆོད་པ་ཉིས་འགྱུར་ཉིས་འགྱུར་བས་བཟང་བ་དག་ཁྱེར་བ་ལས། སྔ་མ་བཞིན་དུ་ཞལ་ཟས་མ་བཞེས
57b7 ནས། ཡིད་མི་དགའ་བར་གྱུར་ཏེ། ཤིང་སཱ་ལ་ཟུང་གི་དྲུང་དུ་རང་རང་གི་གཟི་བརྗིད་ཀྱིས་སྣང་བར་བྱའོ་ནས། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་སྲིན་པོའི་བདག་པོ་འཇིགས་བྱེད་ལ་སོགས་པ
iiif viewer powered by OpenSeadragon
