| e-texts navigator |
| Wylie |
57a1 མཆོད་པ་སྔ་མ་ཟིལ་གྱིས་མནན་ནས། ཚོགས་ཆེན་པོ་དང་ཆས་ཏེ་ལྷགས་ནས། བཅོམ་ལྡན་འདས་ལ་ཕྱག་འཚལ་ཏེ། ཞལ་ཟས་པཞེས་པར་གསོལ་བ་བཏབ་ཀྱང་། བཅོམ་ལྡན
57a2 འདས་ཀྱིས་ཞལ་ཟས་མ་བཞེས་ནས་ཡིད་མི་དགའ་སྟེ། ལངས་ནས་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ནམ་མཁའ་ལྡིང་གི་བདག་པོ་དགྲའི་མཛའ་བོ་ཞེས་བྱ་བ་ལ་སོགས་པ་ནམ
57a3 མཁའ་ལྡིང་གི་རྒྱལ་པོ་གངྒཱའི་ཀླུང་ཉི་ཤུའི་བྱེ་མ་སྙེད་ཀྱིས་རང་རང་གི་མཆོད་པས་གནོད་སྦྱིན་གྱི་རྒྱལ་པོ་སྔ་མ་དག་གི་མཆོད་པ་རྣམས་ཟིལ་གྱིས་མནན་ནས། བཅོམ་ལྡན་འདས་ལ་ཕྱག་འཚལ་ཏེ། ཞལ
57a4 ཟས་པ་ཞེས་པར་གསོལ་བ་བཏབ་ཀྱང་། ཞལ་ཟས་མ་བཞེས་ནས་ཡིད་མི་དགའ་སྟེ། ལངས་ནས་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་དྲི་ཟའི་བདག་པོ་མིས་བྱིན་གྱི་བུ་ལ་སོགས་པ་དྲི་ཟའི་བདག
57a5 པོ་གངྒཱའི་ཀླུང་སུམ་ཅུའི་བྱེ་མ་སྙེད་ཀྱིས་མཆོད་པ་སྔ་མ་ཐམས་ཅད་པས་ཀྱང་ཆེས་མཆོག་ཏུ་གྱུར་པའི་མཆོད་པ་རྣམས་ཁྱེར་ཏེ་འོངས་ནས། དེ་བཞིན་གཤེགས་པ་ལ་མཆོད་པ་བྱས་ཏེ། རོལ་མོ་སྙན་དགུ་བྱས
57a6 ནས་ཕྱག་འཚལ་ཏེ། བཅོམ་ལྡན་འདས་ལ་ཞལ་ཟས་བཞེས་པར་གསོལ་བ་བཏབ་ཀྱང་། བཅོམ་ལྡན་འདས་ཀྱིས་མ་བཞེས་ནས། དེ་དག་ཀྱང་ཡིད་མི་དགའ་བར་གྱུར་ཏེ། ལངས་ནས་ཕྱོགས་གཅིག་ཏུ
57a7 འཁོད་དོ། ། གཞན་ཡང་དེའི་ཚེ་མི་འམ་ཅིའི་བདག་པོ་ལེགས་མཐོང་ལ་སོགས་པ་མི་འམ་ཅིའི་བདག་པོ་གངྒཱའི་ཀླུང་བཞི་བཅུའི་བྱེ་མ་སྙེད་ལྷགས་ཏེ། སྔ་མ་རྣམས་ཀྱི་མཆོད་པ་དེ་དག་བསྡོམས་པ་པས་ཀྱང་དེ་དག
iiif viewer powered by OpenSeadragon
