| e-texts navigator |
| Wylie |
56b1 ཐད་དུ་དོང་སྟེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། མཆོད་པ་དང་བཀུར་སྟིའི་མཆོག་རྣམ་པ་མང་པོ་དག་བྱས་ཏེ། བསྐོར་བ་ཡང་བྱས་ནས། བཅོམ་ལྡན་འདས་ཀྱི་འཁོར་རྣམས
56b2 ཀྱི་ཕྱིར་རང་རང་གི་བླ་གོས་ས་ལ་བཏིང་སྟེ། རང་རང་གི་རྒྱན་རྣམས་ཕོག་ཅིང་གཏོར་ནས། རང་རང་གི་སྐྲ་འབབ་ཞིང་སྐད་མི་སྙན་པས་དུ་སྟེ། བཅོམ་ལྡན་འདས་ལ་ཚིག་མཐུན་པར་འདི་སྐད་ཅེས་གསོལ་ཏོ།། བཅོམ
56b3 ལྡན་འདས་ཀྱིས་བདག་ཅག་གིས་སྦྱར་བའི་བཤོས་གསོལ་ཏེ་ཡོངས་སུ་མྱ་ངན་བླ་དའ་བར་མཛད་དུ་གསོལ་ཞེས་ལན་གཉིས་ལན་གསུམ་དུ་གསོལ་བ་བཏབ་ཀྱང་། བཅོམ་ལྡན་འདས་ཀྱིས་མ་བཞེས་ཏེ། ཅང་མི
56b4 གསུང་ན། དེ་དག་རེ་ཐག་ཆད་དེ་ལངས་ནས། ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ཀླུའི་རྒྱལ་པོ་ཕྱོགས་བཞིན་གནས་པ་ཀླུའི་རྒྱལ་པོ་ནོར་རྒྱས་ཀྱི་བུ་དང་། དགའ་བོ་དང་། 1
56b5 ད་གའ་བོ་ལ་སོགས་པ་ཀླུའི་རྒྱལ་པོ་གངྒཱའི་ཀླུང་དགུའི་བྱེ་མ་སྙེད་ཤིན་ཏུ་རིངས་པར་ཉི་མ་འཆར་ཀར་ལྷ་རྣམས་ཀྱི་མཆོད་པ་ལས་ཀྱང་ཉིས་འགྱུར་བས་ལྷག་པའི་མཆོད་པའི་ཡོ་བྱད་རང་རང་གི་འབྱོར་པ་དང་འཚམ་པ
56b6 དག་ཁྱེར་ནས། བཅོམ་ལྡན་འདས་ཀྱི་ཐད་དུ་དོང་སྟེ། ཕྱག་འཚལ་ནས་ཞལ་ཟས་བཞེས་པར་གསོལ་བ་བཏབ་ཀྱང་། བསམ་པ་བཞིན་དུ་མ་གྲུབ་ནས་ལངས་ཏེ་ཕྱོགས་གཅིག་ཏུ་འཁོད་དོ།།
56b7 གཞན་ཡང་དེའི་ཚེ་རྣམ་ཐོས་ཀྱི་བུ་ལ་སོགས་པ་གནོད་སྦྱིན་གྱི་བདག་པོ་གཡོག་འཁོར་དང་བཅས་པ་གངྒཱའི་ཀླུང་བཅུའི་བྱེ་མ་སྙེད་གཅིག་ལ་གཅིག་འཇུས་ནས། རང་རང་གི་མཆོད་པ་རྣམས་ཀྱིས་ཀླུའི་རྒྱལ་པོ་རྣམས
iiif viewer powered by OpenSeadragon
