| e-texts navigator |
| Wylie |
55a1 གཅིག་ལ་གཅིག་འཇུས་ནས། དེ་བཞིན་གཤེགས་པའི་གདུང་ཞུགས་ལ་ཞེན་པའི་ཕྱིར། ཡམ་སྲེག་ཤིང་རྣམས་ཁྱེར་ཏེ། མཆོད་པ་སྔ་མ་ཐམས་ཅད་རང་རང་གི་མཆོད་པ་རྣམས
55a2 ཀྱིས་ཟིལ་གྱིས་མནན་ནས། བཅོམ་ལྡན་འདས་ལ་ཉིས་འགྱུར་དུ་མཆོད་པ་བྱས་ཏེ། དེ་དག་གི་མཆོད་པའི་ཡོ་བྱད་རྣམས་ཀྱི་རྒྱལ་མཚན་དང་། བ་དན་དང་། གདུགས་རྣམས་ཀྱི་འཕང་དང་། ཆུ་ཞེང་གི་ཚད་ཀྱང
55a3 སྔ་མའི་ཉིས་འགྱུར་པས་ལྷག་གོ། ། ཁ་ཟས་རྣམས་ཀྱི་དྲི་བསུང་ཅན་ནི་དཔག་ཚད་བརྒྱད་དུ་ཁྱབ་པར་གྱུར་ཏེ། བཅོམ་ལྡན་འདས་ལ་ཕྱག་འཚལ་ནས། ཞལ་ཟས་བཞེས་པར་གསོལ་བ་བཏབ་ཀྱང་། ཞལ
55a4 ཟས་མ་བཞེས་ནས། བཅོམ་ལྡན་འདས་ལ་བསྐོར་བར་བྱེད་ཅིང་། སྒྲ་འབལ་ལ། རང་རང་གི་རྒྱན་རྣམས་འཐོར་ཞིང་། སྐད་མི་སྙན་པས་ངུས་ཏེ། བུ་གཅིག་པ་ཤི་བ་བཞིན་དུ་མཆོག་ཏུ་སྡུག་བསྔལ་བར
55a5 གྱུར་ནས། བཅོམ་ལྡན་འདས་ཀྱི་མཐུས་སཱ་ལ་ཟུང་གི་དྲུང་ཉིད་དུ་ཕྱོགས་གཅིག་ཏུ་འཁོད་དོ།། གཞན་ཡང་དེའི་ཚེ་ལྷ་མིག་ཡངས་ཞེས་བྱ་བ་ལ་སོགས་པ་ལྷའི་ཚོགས་གངྒཱའི་ཀླུང་བརྒྱད་ཀྱི་བྱེ
55a6 མ་སྙེད་དང་ལྷན་ཅིག་ཏུ་ལྷགས་ནས། ལྷ་དེ་དག་གིས་འདི་སྐད་ཅེས་སྨྲས་སོ།། གྲོགས་པོ་དག་ལྟོས། གྲོགས་པོ་དག་ལྟོས། མི་རྣམས་ཀྱི་མཆོད་པའི་ཡོ་བྱད་མཆོག་ཏུ་ཁྱད་པར་དུ་འཕགས་ལ། དེ་བཞིན
55a7 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་མཆོད་པ་དང་བཀུར་སྟི་ཐམས་མཆོད་པར་འདོད་དེ། མི་རྣམས་ཀྱི་ཞལ་ཟས་ཀྱི་ཐ་མ་བཞེས་པའི་ཕྱིར། བཅོམ་ལྡན་འདས་ལ་གསོལ་བ
iiif viewer powered by OpenSeadragon
