| e-texts navigator |
| Wylie |
54b1 ནི་དྲུང་ནས་བཅད་དོ་ཞེས་དམ་བཅས་པ་བརྟན་པོར་བྱས་པ་ཤ་སྟག་དང་། ཐེག་པ་ཆེན་པོ་འདོད་པ་དང་། འཇིག་རྟེན་ཐམས་ཅད་ལ་སྙིང་བརྩེ་བ་ཤ་སྟག་སྟེ། དེ་དག་གི་མཆོད་པ་རྣམས་ཀྱིས་ཡངས་པ་ཅན
54b2 ནས་གྲོང་ཁྱེར་ཀུ་ཤའི་བར་ཐམས་ཅད་ཀུན་ཏུ་གང་བར་གྱུར་ཏོ། ། དེ་དག་གི་གདུགས་ཀྱི་གྲིབ་མ་འདབ་ཆགས་སུ་འདུག་པས་ནི། ཉི་མའི་འོད་ཀྱིས་མི་ཕོག་གོ།། དེ་དག་གི་ཁ་ཟས་ཀྱི་དྲི་བ་སྲུང་གིས་ནི་དཔག་ཚད
54b3 བཞིར་ཁྱབ་གྱུར་ཏེ། དེ་དག་གིས་བཅོམ་ལྡན་འདས་ལ་རང་རང་གིས་སྦྱར་བའི་ཞལ་ཟས་བཞེས་པར་ལན་གསུམ་གྱི་བར་དུ་གསོལ་པ་བཏབ་ཀྱང་། ཞལ་ཟས་མ་བཞེས་ནས་ཡིད་མི་དགའ་སྟེ། ལངས་ནས
54b4 ཕྱོགས་གཅིག་ཏུ་འཁོད་དོ། ། གཞན་ཡང་དེའི་ཚེ་རྒྱལ་པོ་མ་སྐྱེས་དགྲའི་བཙུན་མོ་མ་གཏོགས་པར། ཡངས་པ་ཅན་གྱི་རྒྱལ་པོའི་བཙུན་མོ་འཇིག་རྟེན་གསུམ་ན་མཛེས་མ་ལ་སོགས་པ
54b5 འཛམ་བུ་གླིང་བའི་རྒྱལ་པོ་དང་། ཚོང་དཔོན་དང་། ཁྱིམ་བདག་རྣམས་ཀྱི་ཆུང་མ་གངྒཱའི་ཀླུང་བདུན་གྱི་བྱེ་མ་སྙེད་དང་ལྷན་ཅིག་ཏུ་ལྷགས་ཏེ། དེ་དག་ཐམས་ཅད་ཀྱང་བུད་མེད་ཀྱི་གཟུགས་ཀྱིས་སེམས་ཅན་མང་པོ
54b6 ངེས་པར་སྒྲོལ་བ། རྟག་ཏུ་ལུས་བསྒོམ་པ་དང་ལྡན་པ། ཆེན་པོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པས་སེམས་རྣམ་པར་དག་པ་ཤ་སྟག་སྟེ། འདི་ལྟ་སྟེ། ཡངས་པ་ཅན་གྱི་རྒྱལ་པོའི
54b7 བཙུན་མོ་འཇིག་རྟེན་གསུམ་ན་མཛེས་མ་ཞེས་བྱ་བ་དང་། བཙུན་མོ་པྲི་ཡང་ཀུ་ཞེས་བྱ་བ་དང་། དེ་ལ་སོགས་པ་ཐམས་ཅད་ཀྱང་སེམས་ཅན་ཐམས་ཅད་ལ་བུ་གཅིག་པ་ལ་བྱ་བ་བཞིན་དུ་སྙིང་རྗེ་དང་ལྡན་པ་ཤ་སྟག་སྟེ།
iiif viewer powered by OpenSeadragon
