| e-texts navigator |
| Wylie |
53b1 ཕྱག་འཚལ་ཏེ། ཞལ་ཟས་ཕུལ་བ་ལས། བཅོམ་ལྡན་འདས་ཅང་མི་གསུང་སྟེ། མ་བཞེས་ནས། མཆོག་ཏུ་སྡུག་བསྔལ་བར་གྱུར་ཏེ་རེ་ཐག་ཆད་ནས་ལངས་ཏེ། བཅོམ་ལྡན་འདས་ཀྱི་མཐུས་ཏ་ལ་བདུན་གྱི་སྲིད
53b2 ཙམ་དུ་འཕགས་ཏེ་འཁོད་དོ། ། གཞན་ཡང་དེའི་ཚེ་འཛམ་བུ་གླིང་པའི་བློན་པོ་དང་། ཚོང་དཔོན་དང་། ཁྱིམ་བདག་གངྒཱའི་ཀླུང་ལྔའི་བྱེ་མ་སྙེད་ཐམས་ཅད་ཀྱང་ཐེག་པ་ཆེན་པོ་ལ་དད་པ། ཚུལ་ཁྲིམ
53b3 དང་། ཆོ་ག་དང་། ཡོན་ཏན་རྣམ་པར་དག་པ་དང་ལྡན་པ། དམ་པའི་ཆོས་སུན་འབྱིན་པ་རྣམས་ཀྱི་སེར་བ་ལྟ་བུར་གྱུར་པ་ཤ་སྟག་སྟེ། འདི་ལྟ་སྟེ། ཁྱིམ་བདག་གི་རྒྱལ་པོ་རྣམ་པར་སྣང་བྱེད་ཅེས་བྱ་བ་དང
53b4 འགྲོ་བ་སྐྱོང་ཞེས་བྱ་བ་དང་། ཆོས་སྐྱོང་ཞེས་བྱ་བ་དང་། དེ་ལ་སོགས་པ་དག་ཀྱང་དེའི་ཚེ་དེར་ལྷགས་ཏེ། དེ་དག་ཐམས་ཅད་ཀྱིས་ཀྱང་རང་རང་གི་མཆོད་པས། མཆོད་པ་སྔ་མ་རྣམས་ཟིལ་གྱིས་མནན་ནས།།
53b5 བཅོམ་ལྡན་འདས་ལ་མཆོད་པ་ཆེན་པོའི་ཚོགས་ཀྱིས་མཆོད་ནས། ཞལ་ཟས་མ་བཞེས་པའི་ཕྱིར་མཆོག་ཏུ་སྡུག་བསྔལ་བར་གྱུར་ཏེ། རེ་ཐག་ཆད་ནས་ལངས་ཏེ། བཅོམ་ལྡན་འདས་ཀྱི་མཐུས་ཏ་ལ
53b6 བདུན་གྱི་སྲིད་ཙམ་དུ་འཕགས་ཏེ་འཁོད་དོ། ། གཞན་ཡང་དེའི་ཚེ་རྒྱལ་པོ་མ་སྐྱེས་དགྲ་མ་གཏོགས་པར། ཡངས་པ་ཅན་གྱི་རྒྱལ་པོ་ཟླ་བ་དྲི་མ་མེད་པའི་སྙིང་པོ།། གྲོང་ཁྱེར་གྱི་ནང་ན
53b7 གནས་པ་དང་། ཕྱི་རོལ་ན་གནས་པའི་གཡོག་འཁོར་དང་བཅས་པ་ལ་སོགས་པ། འཛམ་བུ་གླིང་ཐམས་ཅད་ཀྱི་གྲོང་ཁྱེར་དང་། རི་ཁྲོད་ཀྱི་གྲོང་དང་། ཡུལ་པོ་ཆེ་དང་། ཁ་ལུངས་ཀྱི་རྒྱལ་པོ
iiif viewer powered by OpenSeadragon
